मंगळवेढा टाईम्स न्युज नेटवर्क ।
एका महिन्यात सावकारकीतून बळकावलेली ११ एकर २६ गुंठे जमीन मूळ मालकाला परत देण्याचे आदेश जिल्हा उपनिबंधक किरण गायकवाड यांनी दिले आहेत. ही जमीन बेलाटी (उत्तर सोलापूर), चिंचखोपन (बार्शी) तसेच करमाळा तालुक्यातील वांगी व रावगाव येथील आहे.
बार्शी तालुक्यातील चिंचखोपन येथील गट नंबर १७ मधील दोन हेक्टर क्षेत्र बाबासाहेब भागवत पवार यांच्या मालकीची होती. या गटातील दोन हेक्टर क्षेत्र पवार यांच्याकडून अकोलेकाटी (उत्तर सोलापूर) येथील पुष्पाबाई गवळी यांनी २०१३ मध्ये सावकारकीतून खरेदी केली होती.
गवळी यांनी ही जमीन २०१८ मध्ये जवळगाव येथील सुमन अंऋषी कापसे व प्रशांत अंऋषी कापसे यांना खरेदी दिली.
जिल्हा उपनिबंधक गायकवाड बाबासाहेब किरण यांनी पवार यांच्याकडून पुष्पाताई गवळी व गवळी यांच्याकडून सुमन कापसे व प्रशांत कापसे यांना दिलेली खरेदी रद्द करीत दोन हेक्टर क्षेत्र मूळ मालक बाबासाहेब पवार यांना देण्याचे आदेश दिले आहेत.
बेलाटी (उत्तर सोलापूर) येथील सुनील काटकर यांची ८१ आर (दोन एकर एक गुंठा) जमीन सावकारकीतून मनोहर मासाळ यांनी २०१४ मध्ये खरेदी घेतली होती. काटकर यांनी २०२० मध्ये दाखल केलेल्या दाव्याचा निर्णय फेब्रुवारी २५ मध्ये लागला. यामध्ये काटकर यांना जमीन परत देण्याचा आदेश झाला.
रावगाव (करमाळा) येथील अशोक दशरथ शिंदे यांची दीड एकर जमीन सावकारकीतून इस्माईल फकीर शेख यांनी २०१४ मध्ये खरेदी केली होती. हे क्षेत्र इस्माईल यांनी २०१७ मध्ये गणेश अडसूळ (म्हाळंगी, ता. कर्जत) यांना विक्री केले होते.
या दोन्ही खरेदी रद्द करीत जमीन मूळ मालक अशोक शिंदे यांना परत देण्याचा निर्णय दिला आहे. वांगी (करमाळा) येथील एक हेक्टर २३ आर क्षेत्र मयूर जाधव यांच्याकडून संजय काळे (बेलवडी, इंदापूर) यांनी सावकारकीच्या पैशातून २०१६ मध्ये खरेदी केले होते. २०२१ मध्ये दाखल दाव्याचा निर्णय २०२५ मध्ये झाला. ही जमीन मूळ मालक अशोक शिंदे यांना परत देण्याचा आदेश झाला आहे.
दोन वर्षे अन् १०२ निर्णय..
विद्यमान जिल्हा उपनिबंधक किरण गायकवाड हे फेब्रुवारी २०२३ मध्ये रुजू झाले होते. दोन वर्षात त्यांनी अनेक वर्षापासून पेंडिंग असलेले १०२ दावे निकाली काढले आहेत. एवढ्या मोठ्या प्रमाणावर दावे निकाली प्रथमच झाले आहेत. वरचेवर सावकारकीच्या तक्रारींची संख्या वाढत असल्याचे जिल्हा उपनिबंधक किरण गायकवाड यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
