टीम मंगळवेढा टाईम्स ।
प्रशासक असलेल्या पाच व संचालक मुदत संपणाऱ्या ८ अशा जिल्हा १३ मध्यवर्ती बँकांच्या निवडणुका मार्च महिन्यापर्यंत पुढे ढकलण्यात येणार आहे.
राज्यात पावसामुळे सर्वच सहकारी संस्थांच्या निवडणुका ३० सप्टेंबरपर्यंत पुढे ढकलण्यात आल्या होत्या.
ही बाब न्यायालयात गेल्यानंतर थांबलेल्या सहकारी संस्थांच्या निवडणुका ऑक्टोबर महिन्यात सुरू झाल्या.
मात्र, त्यामध्ये जिल्हा मध्यवर्ती बँकांचा समावेश नाही. प्रशासक नियुक्त असलेल्या बँकांच्या प्रशासकांना डिसेंबरपर्यंत मुदतवाढ देण्यात आली होती. (स्रोत; लोकमत)
या बँकांचा समावेश
सध्या सोलापूर, नागपूर, नाशिक, बुलडाणा व वर्धा या जिल्हा बँकांवर प्रशासक आहेत; तर पुणे , लातूर , जळगाव , रत्नागिरी , धुळे – नंदुरबार , सिंधुदुर्ग , उस्मानाबाद व कोल्हापूर या बँकांच्या संचालक मंडळाची मुदत संपत आहे. या १३ जिल्हा मध्यवर्ती बँकांच्या निवडणुका मार्चपर्यंत पुढे ढकलण्यात आल्या आहेत.
राज्यातील १३ जिल्हा बँकांच्या निवडणुका मार्च महिन्यात घेण्यासाठीची कार्यवाही सुरू आहे. याबाबत लवकरच निर्णय जाहीर केला जाईल. – अतुल सावे , सहकारमंत्री
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
