विद्यार्थ्यांनो! आता शाळेत शिकवली जाणार शेती; राज्य सरकारचा महत्त्वाचा निर्णय

मंगळवेढा टाईम्स न्युज नेटवर्क ।

कृषी विषयाचा समावेश शालेय शिक्षणाच्या अभ्यासक्रमात करण्याबाबतचा प्राथमिक अहवाल शिक्षण विभागाने स्वीकारला आहे.

याबाबत तज्ज्ञांची समिती नेमून अभ्यासक्रमाचा आराखडा निश्चित केला जाणार असल्याची माहिती कृषीमंत्री अब्दुल सत्तार यांनी दिली.

यासंदर्भातील अहवाल सत्तार यांनी शालेय शिक्षण मंत्री दीपक केसरकर यांच्याकडे सुपूर्द केला. कृषी केंद्रीत आशयामुळे शेतीचे अध्ययन होईल.

शेतीकडे विद्यार्थ्यांचा ओढा वाढेल तसेच शेती व शेती व्यवसाय करणाऱ्यांबद्दल जाणीव व संवेदनशीलता निर्माण होईल, असा विश्वास सत्तार यांनी व्यक्त केला.

शालेय विद्यार्थ्यांना लहान वयातच शेतीबद्दलचं ज्ञान मिळालं तर पुढे त्यांना शेतीचं महत्त्व नक्कीच समजेल, असं कृषीमंत्री म्हणाले आहेत.

तसंच या विषयाचा आराखडा तयार करताना पहिली ते पाचवी, सहावी ते आठवी, नववी ते दहावी असे टप्पे आखण्यात येणार आहेत. लागेल ते साहित्य कृषी विभाग उपलब्ध करून येईल, असंही कृषीमंत्र्यांनी सांगितलं.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.