धन-धान्याची बरकत! दिवाळीत लक्ष्मी पूजनाची सर्वोत्तम वेळ, महत्त्व, घर, ऑफिसमधील पूजेचा शुभ मुहूर्त; जाणून घ्या…

टीम मंगळवेढा टाईम्स।

दिवाळी लक्ष्मीपूजन ही भारतीय संस्कृतीतील महत्वाची पूजा मानली जाते. लक्ष्मीपूजन हा दिवस अत्यंत जल्लोषात साजरा केला जातो. आश्विन महिन्यातील अमावास्येला संध्याकाळी ही पूजा दरवर्षी प्रथेप्रमाणे केली जाते.

यावर्षी लक्ष्मीपूजन 12 नोव्हेंबर म्हणजेच आज केलं जाणार आहे. दिवाळीमध्ये लक्ष्मी पूजनाला अधिक महत्त्व दिले जाते. हा दिवस व्यापारी वर्गासाठी फार महत्त्वाचा असतो. यावेळी ते विशेष चोपडी पूजन देखील करतात. हिंदू धर्मातील प्रमुख सणांपैकी हा एक सण आहे.

लक्ष्मीकुवेर पूजन हे अमावस्येला करायचं असतं. पण ती अमावस्या जेव्हा संध्याकाळी असते तेव्हा त्या संध्याकाळी असलेल्या अमावस्येला ते करायचं असल्यामुळे 12 नोव्हेंबरलाच नरक चतुर्दशी या दिवशी संध्याकाळी आपल्याला लक्ष्मीपूजन करायचं आहे.

हे लक्ष्मीपूजन आपल्याकडे असलेल्या लक्ष्मीच्या प्रतिमेचं, त्या मूर्तीचं त्या फोटोचं किंवा चलनी नाणे जो पैसा आपण व्यवहारात वापरतो त्याचं आपल्याला पूजन या दिवशी करायचं आहे. या लक्ष्मीची प्रार्थना आपल्याला करायची आहे कारण ही लक्ष्मी चंचल आहे. या लक्ष्मीने आपल्या घरी स्थिर राहावं, आपल्याला सुख द्यावं, ऐश्वर्य द्यावं यासाठी अमावस्येच्या दिवशी लक्ष्मीचं पूजन करावं.

इतर अनेक वेळेला अमावस्या अशुभ मानली जाते. पण ही लक्ष्मीपूजनाची अमावस्या मात्र मोठ्या आनंदात आपण सगळीकडे साजरा करतो. आणि असं लक्ष्मीपूजन घरोघरी दुकानामधून आपल्या व्पापार वृद्धीसाठी हे केलं जातं. तेव्हा लक्ष्मीपूजन लोकांनी संध्याकाळी सूर्यास्तानंतर रात्री 11 वाजेपर्यंत आपल्याला करता येईल.

लक्ष्मीपूजनाचा शुभ मुहूर्त

रविवारी 12 नोव्हेंबरला लक्ष्मीपूजनाचा शुभ मुहूर्त हा संध्याकाळी 5 वाजून 31 मिनिटांनी ते रात्री वाजून 36 मिनिटांपर्यंत असणार आहे. या कालावधीमध्ये तुम्ही देवी लक्ष्मीची विधीवत पूजा करू शकता.

लक्ष्मीपूजनाची विधी :

लक्ष्मीपूजनच्या दिवशी व्यापारी हे आपली चोपडी पूजन करुन आपल्या व्यवसायाच्या नव्या वर्षाची सुरुवात करतात. त्यासाठी ते नव्या वहीची (चोपडी) विधीवत पूजा करतात. यालाच चोपडी पूजन असं म्हटलं जातं. यावेळी घरोघरी लक्ष्मीचं देखील पूजन केलं जातं.

घरातील पैसे, सोने-नाणे हे देवीच्या फोटोसमोर मांडून त्याची पूजा केली जाते. या दिवशी अंगाला उटणे लावून आंघोळ करतात. या दिवशी लक्ष्मीची यथासांग पूजा करून, घरासमोर सुशोभित रांगोळी काढून, दारी झेंडूच्या माळा लावून, फराळाचा, लाह्या, बत्तास्यांचा नैवेद्य दाखवून अश्विन महिन्यातील अमावास्येला लक्ष्मीपूजन केले जाते.

लक्ष्मीपूजनाची परंपरा

अनेक घरांत श्रीसूक्तपठणही केले जाते. व्यापारी लोकांचे हिशोबाचे नवीन वर्ष (विक्रमसंवत्) लक्ष्मीपूजनानंतर सुरू होते. या दिवशी सर्व अभ्यंग स्नान करतात. पाटावर रांगोळी काढून तांदूळ ठेवतात. त्यावर वाटी किंवा तबक ठेवतात. त्यात सोन्याचे दागिने, चांदीचा रुपया, दागिने ठेवून त्यांची पूजा करतात. महाराष्ट्रात लक्ष्मी पूजनाला भेंड, बत्तासे, साळीच्या लाह्यांचा नेवैद्य दाखवण्याची पद्धत आहे. हा दिवस व्यापारी लोक फार उत्साहात साजरा करतात.

या दिवशी लोक स्वच्छता करण्यासाठी लागणारी नवी केरसुणी विकत घेतात. तिलाच लक्ष्मी मानून तिच्यावर पाणी घालून हळद-कुंकू वाहून घरात वापरण्यास सुरुवात करतात. केरसुणीने घर स्वच्छ होऊन घरातील दारिद्य्र दूर होते असे मानले जाते.

कार्तिक अमावस्या तिथी सुरू होते – 12 नोव्हेंबर 2023, 02:45 दुपारी

कार्तिक अमावस्या तिथी समाप्त होते – 13 नोव्हेंबर 2023, 02:57 दुपारी

लक्ष्मी पूजनाची शुभ वेळ,

लक्ष्मी पूजनाची सर्वोत्तम वेळ – 05:40 सायंकाळी ते 07:36 सायंकाळी,

प्रदोष काळ (आरोह) – 05:34 सायंकाळी – 08:08 सायंकाळी,

वृषभ लग्न – 05:48 सायं – 07:45 सायं

महानिष्ठ काल मुहूर्त सिंह लग्न :- मध्यरात्री 12.18 ते पहाटे 02.34

व्यवसाय स्थापना पूजा मुहूर्त अभिजित मुहूर्त – सकाळी 11:47 ते दुपारी 12:33 शुभ चोघडिया – दुपारी 01:31 ते 02:51 विजय मुहूर्त – दुपारी 2:11 ते 2:55

गृहस्थांसाठी पूजेची वेळ लक्ष्मी पूजनाची सर्वोत्तम वेळ – 05:40 सायं ते 07:36 सायं, प्रदोष काळ (उभारणी) – 05:34 सायं – 08:08 सायं, वृषभ राशी – 05:48 सायं – 07:45 सायं पर्यंत

दिवसाची सर्वोत्तम वेळ : चार-लाभ-अमृत चौघडिया – सकाळी 08:08 ते दुपारी 12:11 अभिजित मुहूर्त – 11:47 ते 12:33 शुभ चौघडिया – दुपारी 01:31 ते 02:51 पर्यंत

रात्रीची सर्वोत्तम वेळ: शुभ-अमृत-चारची चौघडिया – संध्याकाळी 05:34 ते रात्री 10:31, लाभची चोघडिया – मध्यरात्री 01:50 ते 03:29, शुभाची चौघडिया – मध्यरात्री 05:08 ते 06:06 सकाळी 48 पर्यंत आहे.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज