टीम मंगळवेढा टाईम्स ।
हुंड्यासाठी छळ करून विवाहितेला आत्महत्येस प्रवृत्त केल्याप्रकरणी दाखल गुन्ह्यात अटक झालेल्या सासू व सासरा अशा दोघांचे जामीन अर्ज येथील जिल्हा व सत्र न्यायाधीश बी.बी. तोष्णीवाल यांनी फेटाळले.
काजल अण्णासाहेब मोरे (रा. ढवळस, ता. मंगळवेढा) या विवाहितेने दि. ८ डिसेंबर २०२३ रोजी आत्महत्या केली होती.
या प्रकरणी तिचा पती अण्णासाहेब मोरे, सासू अलका मोरे, सासरा सिद्धेश्वर मोरे व नणंद सोनाली सतीश जाधव (सर्व रा. ढवळस) यांच्या विरूद्ध विविध कलमान्वये मंगळवेढा पोलीस ठाण्यात गुन्हा दाखल झाला होता. त्यानुसार त्यांना पोलिसांनी अटक केली होती.
दरम्यान, अलका मोरे व सिद्धेश्वर मोरे या दोघांनी येथील न्यायालयात नियमित जामिनासाठी अर्ज दाखल केला होता.
दोन्ही बाजुंचा युक्तिवाद झाल्यानंतर न्यायालयाने गुरुवारी (दि. २१) सदर जामीन अर्ज नामंजूर केले. याकामी सरकार पक्षातर्फे अॅड. गोरे व मूळ फिर्यादीतर्फे अॅड. सिद्धेश्वर चव्हाण यांनी कामकाज पाहिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
