ठरलं तर! देवेंद्र फडणवीस यांच्या कार्यक्रमाला दांडी मारलेले प्रशांत परिचारक ‘या’ दिवशी घेणार तुतारी हाती? महायुतीला मोठा धक्का बसण्याची शक्यता; परीचारकांचा ‘हा’ फोटो झाला व्हायरल

टीम मंगळवेढा टाईम्स । समाधान फुगारे

भाजपचे माजी आमदार प्रशांत परिचारक यांनी काल मंगळवेढा येथे झालेल्या उपमुख्यमंत्री देवेंद्र फडणवीस यांच्या कार्यक्रमाला दांडी मारली. यामुळेच आता प्रशांत परिचारक दसऱ्याच्या नंतर तुतारी हाती घेणार असल्याची चर्चा सुरू झाली आहे.परिचारकांच्या या भूमिकेमुळे महायुतीला मोठा धक्का बसण्याची शक्यता आहे.

दरम्यान, परिचारक यांच्या कार्यकर्त्यांनी सोशल मीडियावरती शरद पवार व तुतारी सोबत असलेला प्रशांत परिचारक यांचा फोटो व्हायरल केला आहे.

उपमुख्यमंत्री देवेंद्र फडणवीस यांच्या हस्ते काल मंगळवेढ्यात विविध विकास कामांचा प्रारंभ व शेतकरी मेळाव्याचे आयोजन केले होते. या कार्यक्रमाचे आयोजन भाजपचे आमदार समाधान आवताडे यांनी केले होते.

मागील काही दिवसांपासून माजी आमदार प्रशांत परिचारक व आमदार समाधान आवताडे यांच्यामध्ये राजकीय दरी निर्माण झाली आहे. त्यातूनच परिचारक यांनी या कार्यक्रमाला दांडी मारल्याची चर्चा आहे.

मागील काही दिवसांपासून परिचारक हे भाजपामध्ये नाराज आहेत. पंढरपूर मधून भाजपाचे विद्यमान आमदार समाधान आवताडे यांना भाजपची उमेदवारी मिळणार हे जवळपास निश्चित असल्याने

परिचारक राष्ट्रवादी काँग्रेसचे शरद पवार पक्षाची तुतारी दसऱ्याच्या नंतर जाहीर मेळावा घेऊन हाती घेणार असल्याची चर्चा सुरू झाली आहे.

येत्या दोन दिवसात कार्यकर्त्यांची बैठक घेऊन परिचारक आपली अधिकृत भूमिका स्पष्ट करणार असल्याची माहिती आता समोर आली आहे.

प्रशांत परिचारकांच्या अनुपस्थितीची चर्चा

उपमुख्यमंत्री देवेंद्र फडणवीस यांच्या उपस्थितीत मंगळवेढा तालुक्यातील आंधळगाव येथे झालेल्या कार्यक्रमास भाजपाचे सहयोगी विधान परिषदेचे माजी आमदार व लोकसभा निवडणुकीच्या वेळी भाजपाचे क्लस्टरप्रमुख म्हणून काम पाहिलेले प्रशांत परिचारक यांची अनुपस्थिती पाहायला मिळाली.

मागील काही महिन्यांपासून आ. आवताडे आणि परिचारक यांच्या गटात राजकीय संघर्ष सुरू आहे. उमेदवारीसाठी सध्या जोरदार स्पर्धा सुरू आहे. मात्र, काल ते कार्यक्रमाला हजर राहू न शकल्याने परिचारक या वेळेला बंडखोरी करून तुतारी हातात घेणार की पुन्हा विधान परिषदेवर निवडून जाणार, याबाबत चर्चा सुरू होती.

शिवाय, परिचारक गटाचे समर्थकही कार्यक्रमाकडे फिरकले नव्हते. त्यामुळे फडणवीसांसमोरही मतदारसंघातील गटबाजी प्रकर्षाने दिसून आली. कार्यक्रमस्थळी कार्यकर्त्यांमध्ये याची कुजबुज सर्वत्र सुरू होती.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज