दयानंद कॉलेजमध्ये हिंदी दिवस मोठ्या उत्साहात साजरा; काव्यवाचन, निबंध, वकृत्व, पोस्टर स्पर्धेचे केले होते आयोजन

टीम मंगळवेढा टाईम्स न्यूज नेटवर्क ।

डी.पी.बी दयानंद कॉलेज ऑफ एज्युकेशन सोलापूर येथे 14 सप्टेंबर 2024 या दिवशी महाविद्यालयामध्ये हिंदी दिवस साजरा करण्यात आला.

हिंदी दिवस निमित्त महाविद्यालयामध्ये काव्यवाचन स्पर्धा, निबंध स्पर्धा ,वकृत्व स्पर्धा ,पोस्टर स्पर्धा घेण्यात आल्या तसेच विद्यार्थी मनोगत, प्राध्यापक मनोगत डॉ.भाग्यश्री शाम राठोड, डॉ. एस. ए .जानराव यांनी मनोगत व्यक्त केले.

या कार्यक्रमाच्या अध्यक्षा डॉ. एल. व्ही.बामणे मॅडम प्रमुख अतिथी प्राचार्य डॉ. एस. बी . क्षीरसागर सर हिंदी प्रमुख डॉ.पन्हाळकर सर,

प्रास्ताविक – कु.शाहीन निगेवान, आभार कु.रोहिणी बचुटे ,सूत्रसंचालन कु. समीना शुगर यांनी केले होते. तसेच महाविद्यालयातील प्राध्यापक प्रा.डॉ.के.जी. शिंदे सर, झेंडे मॅडम उपस्थित होते.

शासकीय योजनांचा प्रचार प्रसार करा अन् दरमहा 10 हजार मिळवा, योजनादूतसाठी अर्ज करण्याची शेवटची संधी; मुख्यमंत्री योजनादूत उपक्रम नेमका काय?

महाराष्ट्र सरकारनं अर्थसंकल्प जाहीर करताना अनेक योजना सुरु केल्या होत्या. यामध्ये मुख्यमंत्री माझी लाडकी बहीण, मुख्यमंत्री युवा कार्य प्रशिक्षण योजना, मुख्यमंत्री बळीराजा वीज सवलत योजना या योजनांचा त्यात प्रामुख्यानं समावेश होता.

यानंतर राज्य सरकारनं शासकीय योजनांचा प्रचार प्रसार करण्यासाठी मुख्यमंत्री योजनादूत उपक्रम सुरु केला होता. शासनाच्या विविध योजनांची सर्वसामान्य नागरिकांना माहिती देण्यासाठी मुख्यमंत्री योजनादूत उपक्रम सुरु करण्याचा निर्णय सरकारनं घेतला होता.

या उपक्रमात काम करणाऱ्या उमेदवाराला दरमहा 10 हजार रुपये मानधन देण्याचा निर्णय देखील घेण्यात आला होता. या पदासाठी अर्ज करण्यासाठी 7 सप्टेंबर ते 18 सप्टेंबर अशी मुदत देण्यात आली होती. उद्या या योजनेसाठी अर्ज करण्याचा शेवटचा दिवस आहे.

आज अर्ज करण्याची शेवटची संधी?

मुख्यमंत्री योजनादूत उपक्रमासाठी आतापर्यंत 1 लाख 20 हजार उमेदवारांनी अर्ज दाखल केले आहेत. सरकारनं जाहीर केल्यानुसार 50 हजार योजनादूत नियुक्त केले जाणार आहेत. या साठी अर्ज दाखल करण्याची आज शेवटची संधी आहे. इच्छुक उमेदवार www.mahayojanadoot.org या वेबसाईटवर अर्ज दाखल करु शकतात.

मुख्यमंत्री योजनादूत उपक्रम नेमका काय?

महाराष्ट्र शासनाच्या माहिती व जनसंपर्क महासंचालनालयामार्फत मुख्यमंत्री योजनादूत उपक्रम राबवला जात आहे. ग्रामपंचायत पातळीवर एक तर शहरी भागात प्रत्येक पाच हजार लोकसंख्येमागे एक अशा पद्धतीने राज्यात एकूण 50 हजार योजनादूतांची सहा महिन्यांसाठी निवड केली जाणार आहे. या योजनादूतांना दरमहा 10 हजार रूपये मानधन दिले जाणार आहे.

योजनादूत म्हणून अर्ज करण्यासाठी कोणत्या अटी?

1. उमेदवाराचं वय 18 ते 35 दरम्यान असावं.
2. उमेदवार कोणत्याही शाखेचा पदवीधर असावा.
3. महाराष्ट्राचे अधिवास प्रमाणपत्र असावं.
४. संगणक ज्ञान असून हाताळता यावा.
5.अद्ययावत मोबाईल (स्मार्ट फोन) असावा.
6. आधारसंलग्न बँक खाते असणे आवश्यक आहे.

निवड प्रक्रिया

मुख्यमंत्री योजनादूत उपक्रमासाठी केलेला ऑनलाईन अर्ज, आधार कार्ड, पदवी उत्तीर्ण असल्याबाबतची पुराव्यादाखल कागदपत्रे / प्रमाणपत्र इ., अधिवासाचा दाखला. (सक्षम यंत्रणेने दिलेला), उमेदवाराकडे आधार जोडणी असलेल्या बँक खात्याचा पुरावा, पासपोर्ट आकाराचा फोटो, हमीपत्र (ऑनलाईन अर्जासोबतच्या नमुन्यामधील) नियुक्तीवेळी सादर करावे लागेल.

दरम्यान, मुख्यमंत्री योजनादूत हा उपक्रम माहिती व जनसंपर्क महासंचालनालयाद्वारे चालवला जाणार आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज