टीम मंगळवेढा टाईम्स ।
श्री.संत दामाजी सहकारी साखर कारखाने आज शनिवार दि.२० मार्च रोजीची ३२ वी व्हीडीओ कॉन्फरन्सद्वारे ऑनलाईन वार्षिक सर्वसाधारण सभा रद्द करणेत येत असल्याची माहिती कार्यकारी संचालक झुंजार आसबे यांनी दिली आहे.
महाराष्ट्र शासनाने दि.८ मार्च रोजी आदेश काढुन सर्व सहकारी संस्थांच्या वार्षिक सभा दि.३१ मार्च २०२१ अखेर ऑनलाईन सिस्टीमद्वारे घेणेबाबत कळविलेनुसार आज शनिवार दि .२० मार्च रोजी सकाळी ११.०० वाजता आपले कारखान्याची अधिमंडळाची ३२ वी ऑनलाईन वार्षिक सर्वसाधारण सभा व्हीडीओ कॉन्फरन्सद्वारे कारखाना कार्यस्थळावर आयोजित केली होती.
परंतु भारत निवडणुक आयोगाचे परिपत्रकानुसार २५२ पंढरपूर विधानसभा पोटनिवडणुक दि.१६ मार्च रोजी घोषित केली असून त्यानुसार आचारसंहिता लागु करणेत आली आहे.
आदर्श आचारसंहिता कालावधीमध्ये करावयाच्या कार्यवाहीनुसार प्रधान सचिव तथा मुख्य निवडणुक अधिकारी यांचे समक्ष आदेशान्वये निवडणुक निर्णय अधिकारी , २५२ पंढरपूर विधानसभा मतदार संघ यांनी काढलेला आदेश आपले कारखान्यास दि.१९ मार्च रोजी दुपारी १२.२१ वाजता ई मेल व्दारे प्राप्त झाला आहे.
सदर आदेशानुसार आपले कारखान्याची दि.२० मार्च रोजीची अधिमंडळाची ३२ वी ऑनलाईन वार्षिक सर्वसाधारण सभा रद्द करणेत येत असलेचे कळविले आहे.
तरी कारखाना कार्यस्थळावर व्हीडीओ कॉन्फरन्सद्वारे आज आयोजित केलेली अधिमंडळाची ३२ वी ऑनलाईन वार्षिक सर्वसाधारण सभा रदद् करणेत येत असल्याचे त्यांनी सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
