टीम मंगळवेढा टाईम्स ।
मंगळवेढा तालुक्यातील आंधळगांव येथील सांस्कृतिक कार्यक्रमात झालेल्या किरकोळ वादाचा राग मनात धरून गैरकायदयाची मंडळी जमवून विपूल चंद्रकांत लेंडवे ( वय २८ रा . लेंडवे चिंचाळे ) याला लोखंडी रॉडने डावे पायाच्या गुडघ्याजवळ मारून
गंभीर जखमी केल्याप्रकरणी राहुल शशिकांत शिंदे, विकास औदुंबर क्षीरसागर, प्रशांत शिवाजी शिंदे, संतोष दिगंबर शिंदे, नितीन हरी शिंदे, सुनिता बाबा शिंदे, विकास दाजी शिंदे, समाधान मोरे, रामचंद्र राजू गडहिरे, दिनेश अरूण शिंदे, सुजीत बाबा शिंदे व अन्य अज्ञात ८ ते १० व्यक्तीविरूध्द गुन्हा दाखल झाला आहे.
पोलिस सुत्रांनी दिलेली माहिती अशी, यातील फिर्यादी विपूल चंद्रकांत लेंडवे हे दि.४ रोजी सकाळी ९ च्या दरम्यान त्याचे मित्र दाखल निलेश लेंडवे, अजित लेंडवे, समाधान लेंडवे, अमर जाधव हे सर्वजण आंधळगाव येथील संजय चव्हाण यांचे विजय बेकरीसमोर थांबले असताना
वरील आरोपींनी संगनमत करून गैरकायदयाची मंडळी जमवून सांस्कृतिक कार्यक्रमात झालेले किरकोळ वादाचा राग मनात धरून कार्यक्रमात बसण्याच्या जागेच्या कारणावरून येथील मुलांशी भांडण करतो काय,
तुला लई मस्ती आली आहे काय, तुला बघावे लागेल असे म्हणून आरोपीने तेथे पडलेला लोखंडी रॉड घेवून फिर्यादीच्या डाव्या पायाच्या गुडघ्याजवळ मारून गंभीर जखमी केले.
इतर लोक भांडणे सोडविण्यासाठी आले असता त्यांनाही आरोपीनी लाथाबुक्क्यांनी मारहाण केली असल्याचे दिलेल्या फिर्यादीत म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
