टीम मंगळवेढा टाईम्स ।
मंगळवेढा नगरपरिषदेअंतर्गत सोलापूर रोड येथील स्पर्धा परीक्षा केंद्राचे काम चालू आहे. तसेच हिंदू स्मशानभूमी ते तहसील कार्यालय रस्ता चालू आहे.
या दोन कामामध्ये अरळी येथून वाळू आणल्याचा उल्लेख आढळतो. तर त्याबाबतचा खुलासा मुख्याधिकारी, इंजिनिअर, ठेकेदार यांच्याकडे तहसीलदार यांनी लवकरच मागावा , अशी मागणी युवा मोर्चा जिल्हा सरचिटणीस सुदर्शन यादव यांनी केली आहे.
मंगळवेढा तालुक्यात वाळूमाफियांवर कारवाई करताना पोलीस कॉन्स्टेबलला आपला जीव गमवावा लागला. तहसीलदारांनी वाळूवर कारवाईचा
बडगा सुरू केला.
पण नगरपरिषदेच्या कामामध्ये अरळी येथून वाळू आणून वापरली आहे. हे पुराव्यानिशी इस्टिमेटमध्ये दिले आहे.
सोलापूर जिल्ह्यातील सरकारी वाळू ठेके २०१६-१७ नंतर अजूनही सुरू झाले नाहीत. असे असूनही अरळी येथून वाळू कशी आली ? असे निवेदनात म्हटले आहेत.
वाळू बाबत सर्वसामान्यांना वेगळा न्याय
दरम्यान, वाळू बाबत सर्वसामान्यांना एक न्याय व प्रशासन अधिकारी ठेकेदार यांना वेगळा न्याय कशासाठी योग्य ती कारवाई व्हावी सर्वसामान्य नागरिकांनी देखील मागणी केली आहे.
यावेळी शहराध्यक्ष सुशांत हजारे, शहर सरचिटणीस अजित लेंडवे, उपाध्यक्ष ज्ञानेश्वर काशीद, सचिव मतिन दरवाजकर यांच्यासह पदाधिकारी उपस्थित होते.
मुख्याधिकारी यांच्याकडे मागितला अहवाल
“शासकीय कामासाठी वापरलेल्या वाळू बाबतचा अहवाल मुख्याधिकारी यांच्याकडे मागितला आहे. अजून अहवाल प्राप्त झाला नाही. अहवाल प्राप्त होताच त्यावरून कारवाई निश्चित केली जाईल. – स्वप्निल रावडे, तहसीलदार, मंगळवेढा
चौकशी करून अहवाल सादर करणार
या तक्रारीबाबत तहसीलदारांनी अहवाल मागितला असून संबंधित ठेकेदाराने काय वापरले याबाबत चौकशी करून अहवाल सादर करणार आहे. – निशिकांत प्रचंडराव, मुख्याधिकारी, मंगळवेढा
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
