टीम मंगळवेढा टाईम्स ।
बसस्थानकासमोर एक २६ वर्षीय तरुण दारूच्या अमलाखाली मोटर सायकल चालवत असल्याचे पोलिसांच्या निदर्शनास आल्याने त्याला ताब्यात घेऊन ब्रेथ अॅनालायझर मशिनने तपासले असता त्याची टेस्ट पॉझिटिव्ह आली.
या प्रकरणी मोटार वाहन अधिनियमानुसार त्याच्यावर गुन्हा दाखल करण्यात आला आहे.
मंगळवेढा बसस्थानकासमोर दि. २४ सप्टेंबर रोजी महिला पोलिस नाईक कविता सावंत, पोलिस अंमलदार धनंजय जाधव, सुनील राऊत व अन्य पोलिस कर्मचारी कारवाई करत असताना
सायंकाळी ४:१० वाजता बसस्टँडच्या गेट समोरील रस्त्यावर यातील दुचाकीस्वार सोमनाथ गुंडीबा माने (वय २६, रा. एकलासपूर, ता. पंढरपूर) हा मोटर सायकल (क्र.एमएच १३, डब्ल्यू ९०३५) वाकडी तिकडी चालवत येत असल्याचे निदर्शनास आले.
यावेळी पोलिसांनी त्याला थांबवून कोठून आला व कोठे चालला असे विचारले असता एकलासपूर येथून खासगी कामानिमित्त मंगळवेढा शहरात चाललो आहे, असे सांगितले
हे बोलत असताना त्याच्या तोंडाचा उग्र वास येत असल्याने पोलिसांना दारूच्या अमलाखाली असल्याचा संशय आला. त्यास ताब्यात घेऊन त्याची तपासणी केली असता त्याची टेस्ट पॉझिटिव्ह आल्याचे पोलिस अंमलदार सुरज साळुंखे यांनी दिलेल्या फिर्यादीत म्हटले आहे.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
