नागरिकांनो! वाहन चालवताना मोबाईलवर बोलल्यास मोजा दहा हजार; नियम तोडणाऱ्यांना दुप्पट, दहापट दंड

मंगळवेढा टाईम्स न्युज नेटवर्क। 

रस्ते अपघात कमी व्हावेत म्हणून बेशिस्त वाहनचालकांचा दंड वाढविण्यात आला आहे. मात्र, अद्याप अपघात व अपघाती मृत्यू कमी झालेले नाहीत.

दररोज बेशिस्त वाहनांना वाहतूक पोलिसांकडून ऑनलाइन दंड केला जातो. पण, वेळेत दंड न भरल्यास, पुन्हा तोच नियम मोडल्यास आपोआप दुप्पट ते दहापट दंड होतो ही वस्तुस्थिती आहे.

रुग्ण घेऊन जाताना किंवा रुग्णाला आणायला जाणाऱ्या रुग्णवाहिकेला वाट देणे सर्वांचीच नैतिक जबाबदारी आहे. रुग्णवाहिका जात असताना वाट न देणाऱ्या वाहनचालकाला १० हजारांचा दंड होऊ शकतो.

दरवर्षी राज्यातील सरासरी ९८ लाख बेशिस्त वाहनांवर जवळपास बाराशे कोटींपर्यंत दंडात्मक कारवाई केली जाते. तरीपण, अनेकजण नियम पाळत नाहीत हे विशेष.

सोलापूर, नाशिक, पुणे, नगर अशा जिल्ह्यांमध्ये महामार्गांची कनेक्टिव्हिटी वाढली, विकासाला नवी दिशा मिळाली. मात्र, वाहनांचा वेग वाढला आणि बेशिस्त वाहनचालकांमुळे अपघातही वाढले. दंडाची रक्कम वाढविल्यावर अपघात कमी होतील, असा विश्वास होता पण तो हेतू साध्य होताना दिसत नाही.

आता बहुधा वाहतूक पोलिस रोखीने दंड घेत नाहीत. ऑनलाइन दंड आकारला जातो, पण त्याच वाहनचालकाने तोच वाहतूक नियम पुन्हा मोडल्यास त्याला दुप्पट ते दहापट दंड भरावा लागणार आहे. त्यामुळे प्रत्येकाने वाहतूक नियमांचे तंतोतंत पालन करावे, असे आवाहन वाहतूक पोलिसांनी केले आहे.(स्रोत:सकाळ)

बेशिस्त वाहनचालकांच्या दंडाचे स्वरूप

■ वाहन चालविताना मोबाईलवर बोलणाऱ्यांना सुरवातीला एक हजारांचा दंड, त्याच वाहनचालकाने पुन्हा मोबाईलवर बोलल्यास (पूर्वीचा दंड भरलेला नसल्यास) १० हजारांचा दंड

■ सार्वजनिक रस्त्याला अडथळा करणाऱ्या वाहनाला सुरवातीला ५०० रुपयांचा दंड, पुन्हा तेच वाहन रस्त्यात आडवे असल्यास त्या वाहनाला १५०० रुपयांचा दंड

■ ट्रिपल सिट जाणाऱ्या दुचाकीस्वाराला पहिल्यांदा पाचशे आणि नंतर दीड हजार रुपये दंड भरावा लागतो

वाहनचालकांनी वाहतूक शिस्त पाळायला हवी. पुन्हा तीच ती चूक करून वाढीव दंड भरण्याची वेळ येण्यापूर्वी वाहतूक नियम पाळावेत. वाहन चालविताना प्रत्येकानी घरी आपले कोणीतरी वाट पाहत आहे, आपल्यावर कुटुंबाची जबाबदारी आहे, याची जाणीव ठेवायला हवी.- तानाजी दराडे, वरिष्ठ पोलिस निरीक्षक, सोलापूर शहर (वाहतूक) –

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज