धक्कादायक! मंगळवेढा येथून अल्पवयीन मुलाचे अपहरण; अज्ञात व्यक्तीविरूध्द गुन्हा दाखल

मंगळवेढा तालुक्यातील चिकलगी येथून १६ वर्षीय मुलास कशाचे तरी अमिष दाखवून अपहरण केल्याची घटना घडली असून याप्रकरणी अज्ञात व्यक्तीविरूध्द गुन्हा दाखल करण्यात आला आहे.

पोलिस सुत्रांनी दिलेली माहिती अशी,यातील फिर्यादी शिवाप्पा हणमंत परिट (रा.चिकलगी) यांच्या १६ वर्षीय मुलास दि.२९ रोजी सकाळी ९ वा. फिर्यादीच्या राहत्या घरापासून अज्ञात व्यक्तीने कशाचे तरी अमिष दाखवून फूस लावून पळवून नेल्याचे दिलेल्या फिर्यादीत म्हटले आहे.

त्याचे वर्णन उंची १६४ सेंमी, रंग निमगोरा, नाक सरळ,अंगाने सडपातळ, अंगात निळ्या रंगाची नाईट पँट , फिक्कट गुलाबी रंगाचा शर्ट अशा वर्णनाचा मुलगा कोणाच्या निदर्शनास आल्यास त्यांनी पोलिस नाईक देशमुख यांच्याशी संपर्क साधावा असे आवाहन करण्यात आले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.