टीम मंगळवेढा टाईम्स ।
शिवसेनेचे बंडखोर नेते एकनाथ शिंदे यांनी शिवसेना आमदारांना सोबत घेत नवा गट स्थापन करण्याच्या हालचाली सुरू केल्या आहेत.
त्यांच्याकडे आमदारांचा मोठा गट गेल्यामुळे दोन तृतीयांश नियमाप्रमाणे सर्वांत मोठा गट कुणाचा तसेच एकनाथ शिंदे थेट शिवसेनेवर हक्क सांगू शकतात का ?, असा प्रश्न उपस्थित झाला आहे.
त्यावरून उलटसुलट चर्चा सुरू झाल्या आहेत. पक्षप्रमुख उद्धव ठाकरे यांना बाजूला करून एकनाथ शिंदे शिवसेना पक्ष ताब्यात घेऊ शकतात का ?, अशीही चर्चा सुरू झाली आहे.
याबाबत काँग्रेसचे पदाधिकारी प्रवीण बिराजदार यांचे ‘ट्ठीट थ्रेड’ व्हायरल झाले आहे. या थ्रेडमध्ये त्यांनी शिवसेनेची घटना कागदपत्रांसह स्पष्ट केली आहे.
यामध्ये शिवसेनाप्रमुखांचे अधिकार , निवडीचे अधिकार प्रतिनिधी सभा यासह कार्यकारिणी निवडीच्या अधिकारांबाबत माहिती दिली आहे.
उद्धव ठाकरेंना बाजूला सारून शिंदे शिवसेना ताब्यात घेऊ शकतात का ?, यावर भाष्य करताना त्यांनी सद्य : स्थितीत ते अशक्यप्राय वाटते कारण प्रत्येक पक्षाला एक घटना असते आणि त्यात नियम, अधिकार निश्चित केलेले असतात, असे सांगितले आहे.
पक्षाने निवडणूक आयोगाला दिलेली घटना अधिकृत असते. आता शिवसेनेच्या घटनेत ‘शिवसेनाप्रमुख हे पद सर्वोच्च आहे आणि फक्त शिवसेनाप्रमुखांनाच कुणालाही पक्षातून काढण्याचा अधिकार आहे.
राष्ट्रीय कार्यकारिणीच्या मदतीने आता शिंदे त्या पदावर बसू शकतात का ?, तर त्याचे उत्तर शिवसेनेच्या घटनेनुसार ‘ नाही ‘ असेच असल्याचे त्यांनी स्पष्ट केले आहे.
राष्ट्रीय कार्यकारिणीच्या मंजुरीने शिवसेनाप्रमुख काम करतात, त्या राष्ट्रीय कार्यकारिणीतील १४ सदस्य हेसुद्धा प्रतिनिधी सभा निवडून देतात आणि जास्तीत जास्त ५ जणांची नियुक्ती शिवसेनाप्रमुख करतात.(स्रोत:लोकमत)
कोण आहेत राष्ट्रीय कार्यकारिणीचे सदस्य?
राष्ट्रीय कार्यकारिणीच्या सदस्यांना शिवसेनेत पक्षनेते म्हणून ओळखले जाते. २०१८ मध्ये प्रतिनिधी सभेने ९ जणांना पक्षनेते म्हणून निवडून दिले विशेष बाब म्हणजे यात एकनाथ शिंदे निवडून आले नाहीत, पण आदित्य ठाकरे निवडून आले. ही निवड ५ वर्षांसाठी असते.
१. उद्धव ठाकरे २. आदित्य ठाकरे ३. मनोहर जोशी ४. सुधीर जोशी ५. लीलाधर डाके ६. सुभाष देसाई ७. दिवाकर रावते ८. रामदास कदम . संजय राऊत १०. गजानन कीर्तीकर.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
