मंगळवेढा टाईम्स न्युज नेटवर्क ।
खाणीतील खोदकामाच्या उपकरणांची १०० कोटी रुपयांची ऑर्डर देण्याच्या बहाण्याने बिहारमध्ये बोलावून मूळच्या मारोळी (ता. मंगळवेढा, सध्या रा. कोथरूड) येथील उद्योजकाची हत्या करण्यात आली.
उद्योजक पाटणा विमानतळावर पोहोचल्यावर त्यांचे अपहरण करून खून करण्यात आला. त्यांच्या बँक खात्यातील ९० हजार रुपये काढून घेतले. आरोपींना पाटणा विमानतळ पोलिसांनी अटक केली आहे.
लक्ष्मण साधू शिंदे (वय ५५, रा. डीपी रस्ता, कोथरूड), असे उद्योजकाचे नाव आहे. शिंदे हे रत्नदीप कास्टिंग या उद्योगाचे संचालक होते. पुणे पोलिसांनी दिलेल्या माहितीनुसार, शिंदे यांना एक ई-मेल आला होता. त्यावरून त्यांनी फोन केला होता.
‘झारखंडमधील एका खाणीचे खोदकाम करण्यासाठी उपकरणे हवी असून, १०० कोटींची ऑर्डर आहे’, अशी बतावणी करण्यात आली. संबंधितांनी शिंदे यांना पाटणा शहरात बैठकीसाठी बोलावून घेतले. शिंदे हे ११ मार्च रोजी विमानाने पाटणा येथे पोहोचले. जाण्यापूर्वी त्यांनी आपल्या मुलीस याबाबत कल्पना दिली होती.
तेथे पोहोचल्यानंतर शिंदे यांचे संबंधितांशी बोलणे झाले. त्यानुसार शिंदे यांनी कुटुंबीयांशी संपर्क साधून आपण पाटण्यातून झारखंड येथील खाण पाहण्यासाठी जात असल्याचे सांगितले.
त्यानंतर वारंवार संपर्क करूनही तो होत नसल्याने शिंदे यांच्या कुटुंबाने १२ एप्रिल रोजी ते बेपत्ता झाल्याची तक्रार दिली. पोलिसांनी शिंदे यांचे लोकेशन तपासल्यानंतर ते बिहारमधील गुन्हेगारी पट्टा असलेल्या वेगवेगळ्या भागांत आढळले. घटनेचे गांभीर्य ओळखून पुणे पोलिसांचे पथक पाटणा येथे रवाना झाले.
पुणे पोलिस आणि पाटणा विमानतळ पोलिसांनी विमानतळावरील सीसीटीव्ही चित्रीकरण तपासल्यावर शिंदे यांचे विमानतळावरूनच अपहरण झाल्याचे समोर आले. पोलिसांनी शोध घेतल्यानंतर सोमवारी (१४ एप्रिल) बिहारमधील जहानाबाद परिसरात शिंदे यांचा मृतदेह आढळला.
अडीच लाख रुपये मारहाण करून जबरदस्तीने काढून घेतले
उद्योजक लक्ष्मण शिंदे यांचा मृतदेह बिहार येथील जहानाबाद जिल्ह्यात सापडला आहे. अधिक तपासामध्ये गुजरातच्या व्यापाऱ्यालाही अशाच प्रकारे बिहार येथे बोलावून त्याचे अपहरण करून त्याच्याकडील अडीच लाख रुपये मारहाण करून जबरदस्तीने काढून घेतले होते. नंतर त्याला सोडूनही देण्यात आले होते. असाच प्रकार या गुन्ह्यात झाल्याचे दिसून येत आहे. यानिमित्ताने आरोपींची गुन्हे करण्याची पद्धतीही समोर आली आहे.- अमितेश कुमार, पोलिस आयुक्त, पुणे
९० हजारांची रक्कम काढून घेतली
आरोपींनी शिंदे यांच्या बँक खात्यातून २० हजारांची रक्कम काढून घेऊन मोबाइलमधील सर्व माहिती डिलीट केल्याचे उघड झाले. पाटणा पोलिसांनी तपास करून आरोपींना अटक केली. शिंदे यांची हत्या १२ एप्रिल रोजी झाल्याचा संशय पोलिसांनी व्यक्त केला असून, हत्येमागचे निश्चित कारण समजू शकले नाही. त्यांचे पार्थिव मंगळवारी सायंकाळी विमानाने पुण्यात आणण्यात आले. त्यानंतर कोथरूडमधील स्मशानभूमीत अंत्यसंस्कार करण्यात आल्याची माहिती शिंदे कुटुंबीयांच्या निकटवर्तीयांनी दिली.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
