मंगळवेढा टाईम्स न्युज नेटवर्किंग।
काल मंगळवारी टी२० वर्ल्ड कप २०२६ स्पर्धेतील झिम्बाब्वे विरुद्ध आयर्लंड यांच्यात पाल्लेकेले येथे होणारा सामना पावसामुळे रद्द झाला. यामुळे झिम्बाब्वेला मात्र फायदा झाला.
हा सामना रद्द झाल्याने दोन्ही संघांना प्रत्येकी १ गुण मिळाला. त्यामुळे झिम्बाब्वेचे ५ पाँइंट्स झाले आणि त्यांनी बी गटातून सुपर-८ फेरीत प्रवेश मिळवला. यामुळे ऑस्ट्रेलिया संघ मात्र स्पर्धेतून बाहेर झाला आहे.
ऑस्ट्रेलियाचा या स्पर्धेत फारशी चांगली कामगिरी करता आली नव्हती. त्यांनी आयर्लंडला हरवलं होतं, पण त्यांना झिम्बाब्वे आणि श्रीलंकेविरुद्ध पराभवाचा सामना करावा लागला.
दरम्यान, झिम्बाब्वेने सुपर-८ मध्ये प्रवेश केल्याने भारताच्या मार्गातील ऑस्ट्रेलियाचा काटाही दूर झाला आहे. कारण जर ऑस्ट्रेलिया सुपर ८ साठी पात्र ठरले असते, तर भारताच्या गटातच आले असते. मात्र आता त्यांची जागा झिम्बाब्वे घेणार आहे.
खरंतर पहिल्या फेरीपूर्वीच चारही गटातील प्रत्येकी दोन बलाढ्य संघांना (क्रमवारीत वरचढ असलेल्या) मानांकन देण्यात आले होते. या मानांकनानुसार सुपर -८ मधील दोन गटात प्रत्येकी ४ संघांची विभागणी झाली होती.
मात्र जर मानांकन असलेल्या संघांपैकी जर कोणता संघ सुपर ८ मध्ये पोहचला नाही, तर त्या संघाच्या गटातील जो दुसरा संघ सुपर -८ साठी पात्र ठरला आहे, तो संघ मानांकन असलेल्या संघाची जागा घेणार, असं नियमात होतं.
यानुसार ऑस्ट्रेलियाला आणि श्रीलंका या दोन्ही संघांना बी गटातून मानांकन होतं. त्यांना सुपर – ८ साठी वेगवेगळ्या गटात ठेवलं होतं. पण ऑस्ट्रेलिया बाहेर गेल्याने, त्यांची जागा आता झिम्बाब्वे घेईल.
त्यामुळे आता सुपर – ८ साठी भारतीय संघ ज्या गटात आहे, त्या गटाचे वेळापत्रक निश्चित झाले आहे. त्यामुळे भारतीय संघही कोणत्या संघाविरुद्ध कधी सुपर – ८ सामने खेळणार हे देखील ठरले आहे. भारतालाही अ गटातून मानांकन मिळाले होते.
भारतासोबत सुपर – ८ मध्ये एकाच गटात दक्षिण आफ्रिका, वेस्ट इंडिज आणि झिम्बाब्वे आहे. त्यामुळे भारतीय संघ आता या तीन संघांविरुद्ध खेळून उपांत्य फेरीत स्थान मिळवण्यासाठी प्रयत्न करणार आहे. या गटातील अव्वल दोन संघ उपांत्य फेरीत जाणार आहेत.
भारताचे सुपर – ८ मधील सामने
भारतीय संघाचा पहिल्या फेरीतील नेदरलँड्सविरुद्धचा एक सामना अद्याप बाकी आहे, हा सामना १८ फेब्रुवारी रोजी अहमदाबादला होईल. त्यानंतर भारतीय संघ सुपर – ८ मधील पहिला सामना २२ फेब्रुवारी रोजी दक्षिण आफ्रिकेविरुद्ध अहमदाबादला सामना खेळेल.
यानंतर झिम्बाब्वेविरुद्ध भारताचा दुसरा सामना २६ फेब्रुवारी रोजी चेन्नईत होईल. तिसरा सामना कोलकातामध्ये वेस्ट इंडिजविरुद्ध भारतीय संघ खेळेल. भारताचे हे सर्व सामने संध्याकाळी ७ वाजता सुरू होणार आहेत.
भारताचे सुपर-८ चे वेळापत्रक
२२ फेब्रुवारी – भारत विरुद्ध दक्षिण आफ्रिका, अहमदाबाद (वेळ: संध्या. ७ वा.)
२६ फेब्रुवारी – भारत विरुद्ध झिम्बाब्वे, चेन्नई (वेळ: संध्या. ७ वा.)
१ मार्च – भारत विरुद्ध वेस्ट इंडिज, कोलकाता (वेळ: संध्या. ७ वा.)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
