टीम मंगळवेढा टाईम्स ।
कामावरून काढून टाकल्याचा राग मनात धरून जिल्हा परिषद कर्मचाऱ्याने घरात घुसून माळशिरस पंचायत समितीच्या गटविकास अधिकाऱ्यास काठीने मारहाण करून जिवे मारण्याची धमकी देत खिशातील पाच हजारांची रोकड जबरदस्तीने काढून घेतली.
ही घटना गुरुवारी सायंकाळी माळशिरसमधील पंचायत समिती वसाहतीत घडली. याबाबत जि. प. कर्मचारी अमोल बाबासाहेब पाटील यांच्या विरोधात गुन्हा नोंदला आहे.
पोलिस सूत्रांनुसार फिर्यादीत म्हटले आहे की, जिल्हा परिषदेमध्ये कार्यरत असणारे कर्मचारी अमोल बाबासाहेब पाटील त्याच्यावर जि. प. उपमुख्य कार्यकारी अधिकाऱ्यांनी कारवाई करून त्यास नोकरीवरून कमी केले होते.
याचा राग मनात धरून गुरुवारी सायंकाळी त्यानी माळशिरस पंचायत समितीमध्ये कार्यरत असणारे गटविकास अधिकारी आबासाहेब हरी पवार घरात घुसून शिवीगाळ करत मारहाण करून जखमी केले, तसेच जबरदस्तीने खिशातील पाच हजारांची रोकड काढून घेतली.
तुमच्यामुळे माझी नोकरी गेली जर मला परत कामावर घेतले नाही तर तुम्हास जिवंत ठेवणार नाहीत. येथे कशी नोकरी करतो, हेच पाहतो असे धमकावल्याचेही फिर्यादीत म्हटले आहे.
माळशिरस पोलिसात याप्रकरणी गुन्हा नोंदला आहे. पुढील तपास पोलिस निरीक्षक नारायण पवार यांच्या मार्गदर्शनाखाली नवनाथ सोनटक्के करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
