खळबळजनक! मंगळवेढा तालुक्यातील ‘या’ गावात जावयाचा सासऱ्यावर प्राणघातक हल्ला

टीम मंगळवेढा टाईम्स ।

पत्नीला नांदावयास का पाठवत नाही या कारणावरून चिडून जावून सासऱ्यावर प्राणघातक हल्ला केल्याची घटना गुरुवार दि.३१ मार्च रोजी दुपारी ३.३० च्या सुमारास मुढवी येथे घडली आहे.

याबाबत अधिक माहिती अशी की , मुढवी येथील नंदकुमार जालिंदर रोकडे याने माझ्या पत्नीला नांदवावयास का पाठवत नाही असे म्हणत चिडून जावून सासरे गणपत गोविंद शिंदे यांचे डोकीत, डाव्या पायावर उजव्या हातावर जोराने कोयत्याने वार करून गंभीर जखमी केले.

त्यावेळेस मुलगा शुभम हा सोडविण्यास गेला असता त्याच्याही उजव्या हाताच्या दंडावर कोयत्याने वार केला परंतू तो त्याने चुकवला . त्याचवेळी पत्नी प्रमिला ही मध्ये पडून सोडवत असताना त्याने सर्वांना घाण घाण शिवीगाळ करून जीवे ठार मारण्याची धमकी दिली.

अशी फिर्याद मेहुणे बाळकृष्ण गणपत शिंदे यांनी मंगळवेढा पोलिसात दिली.पोलिसांनी आरोपविरूध्द भा.दं.वि.सं.कलम ३०७,३२३,५०४,५०६ अन्वये गुन्हा दाखल केला असून अधिक तपास प्र.पोलिस निरिक्षक भगवान बुरसे हे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.