टीम मंगळवेढा टाईम्स ।
मंगळवेढा तालुका वैद्यकीय अधिकारी डॉक्टर नंदकुमार शिंदे यांची बदली भोसे प्राथमिक आरोग्य केंद्र येथे झाली असून त्यांची जागी तालुका वैद्यकीय अधिकारी म्हणून डॉक्टर धनंजय सरवदे यांनी पदभार स्वीकारला आहे.
सध्या संपूर्ण जिल्ह्यात व तालुक्यात कोरोना महामारी मुळे आपत्ती व्यवस्थापन कायदा लागू करण्यात आला आहे. तसेच जिल्हा परिषदेचे मुख्य कार्यकारी अधिकारी दिलीप स्वामी यांनी सोलापूर जिल्ह्यातील कोरोना विषाणूचा प्रादुर्भाव रोखण्यासाठी प्रतिबंधात्मक उपाय योजनेचा
एक भाग म्हणून तालुका आरोग्य अधिकारी व वैद्यकीय अधिकारी यांना तात्पुरत्या स्वरूपात आहारण व संवितरणासह अतिरिक्त पत्राद्वारे देण्याचे अधिकार जिल्हा आरोग्य अधिकारी यांना देण्यात आला होता.
जिल्हा आरोग्य अधिकारी यांनी दिलेल्या आदेशात म्हटले आहे की, कार्यालयीन सोयीच्या दृष्टीने डॉक्टर नंदकुमार शिंदे तालुका आरोग्य अधिकारी मंगळवेढा यांना वैद्यकीय अधिकारी भोसे प्राथमिक आरोग्य केंद्र येथील दैनंदिन कामकाजाचे व डॉक्टर धनंजय सरवदे यांना तालुका आरोग्य अधिकारी मंगळवेढा येथील अतिरिक्त पदाचा पदभार पुढील आदेश होईल तोपर्यंत तात्पुरत्या स्वरूपात देण्यात आला आहे.
सदर आदेशाची अंमलबजावणी तात्काळ करण्यात यावी असे जिल्हा आरोग्य अधिकारी यांनी म्हटले आहे.या आदेशाच्या प्रती मुख्य कार्यकारी अधिकारी , गट विकास अधिकारी मंगळवेढा, तालुका आरोग्य अधिकारी मंगळवेढा त्यांना देण्यात आलेल्या आहेत.
दरम्यान तालुक्यातील ग्रामीण भागात कोरोना रुग्णांची संख्या मोठ्या प्रमाणात वाढत असल्याचे आ.समाधान आवताडे यांच्या निदर्शनास आल्यानंतर त्यांनी सर्व प्राथमिक आरोग्य केंद्रात जाऊन बैठकांचे आयोजन केले होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
