टीम मंगळवेढा टाईम्स।
मंगळवेढा तालुक्यातील अंगणवाडी सेविका व मदतनीस या आपल्या विविध मागण्यांसाठी गेली ३६ दिवस संपावर असल्याने येथील अंगणवाड्या कुलूपबंद आहेत. त्यामुळे हजारो बालके तथा लाभार्थी आहारापासून वंचित असून,
लसीकरण मोहीम ही पूर्णतः बंद असल्याने येथील एकात्मीक बालविकास सेवा योजना प्रकल्प कार्यालयाने २०१ सेविका व १९३ मदतनीस, मिनी अंगणवाडीतील ५० महिला कर्मचारी यांना नोटिसा बजावून तत्काळ कामावर उपस्थित राहावे; अन्यथा आपणास मानधन सेवेतून कमी करण्यात येईल, असा इशारा त्या नोटीसद्वारे देण्यात आला आहे.
मंगळवेढा तालुक्यातील सर्व सेविका व मदतनीस तसेच मिनी अंगणवाडीमधील कर्मचारी यांनी आपल्या मानधनात वाढ, पेन्शन, ग्रॅज्युएटी व अन्य मागण्यांसाठी दि. ४ डिसेंबर २०२३ पासून संपाचा एल्गार पुकारला आहे.
दरम्यान, आज या संपाला ३६ दिवस पूर्ण झाल्याने अंगणवाडीतील लहान बालके पोषण आहार, पूर्व शालेय शिक्षण, आरोग्य तपासणी व मूलभूत सेवांपासून वंचित राहात असल्याने वरील सेविका व मदतनीस यांना एकात्मीक बालविकास सेवा योजन कार्यालयाकडून नोटिसा बजावल्या आहेत.
यामध्ये अंगणवाडी इमारती शासकीय मालमत्ता असल्यामुळे तिच्यावर नियंत्रण ग्रामपंचायतीचे आहे.
मागील एक महिन्यापासून अंगणवाडी बंद असल्याने लाभार्थ्यांची गैरसोय होऊन बालकांचे कुपोषण वाढण्याची शक्यता आहे. सर्वोच्च न्यायालयाच्या सूचनेप्रमाणे पूरक पोषण आहारामध्ये खंड पडू नये याकरिता आपण तात्काळ अंगणवाडी केंद्रात हजर होऊन कामकाज करावे;
अन्यथा दि. १२ एप्रिल २००७ च्या शासन निर्णयानुसार अंगणवाडीच्या कामकाजावर विनापरवाना गैरहजर राहिल्यामुळे आपणास मानधनी सेवेतून कमी करण्यात येईल, असे दिलेल्या नोटीसमध्ये नमूद करण्यात आले आहे.
दरम्यान, मिनी अंगणवाडीमधील ३ महिला कर्मचारी, ३ सेविका, १४ मदतनीस कामावर हजर झाले असल्याचे सांगण्यात आले. नवीन २७ सेविका व मदतनीस पैकी १४ हजर झाल्या आहेत. नवीन कर्मचाऱ्यांना एक वर्षाच्या आत संपामध्ये सहभागी होता येत नसल्याचे संकेत आहेत.
लहान बालके आहार व आरोग्य तपासणीपासून वंचित राहू नयेत यासाठी शासन तरतुदीनुसार सर्व सेविका व मदतनीस यांनी तत्काळ कामावर हजर राहावे, यासाठी नोटिसा बजावण्यात आल्या आहेत. – जगन्नाथ गारोळे, बालविकास प्रकल्प अधिकारी, मंगळवेढा
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
