टीम मंगळवेढा टाईम्स।
‘अभ्यास कर’ म्हटल्याचा मनात राग धरून दहावी शिकत असलेल्या मुलाने गळफास घेऊन आत्महत्या केल्याची घटना शुक्रवारी सायंकाळी ५:३० ते ११:३० वाजे दरम्यान आगळगाव (ता. बार्शी) शिवारात घडली.
सुमित विष्णू मोहिते (वय १६, रा. आगळगाव) असे आत्महत्या केलेल्याचे नाव आहे. याबाबत चुलते आप्पासाहेब दत्तात्रय मोहिते (वय २७, रा. आगळगाव) यांनी बार्शी तालुका पोलिसात खबर दिली आहे.
पोलिस सूत्राकडील माहितीनुसार, सुमित तू दहावीला आहेस, तुझी परीक्षाजवळ आली आहे. तू अभ्यास कर असे आईने म्हटले. तो देवळाकडे बसलेल्या मित्रांकडे जाऊन येतो असे सांगून बाहेर पडला. घरी उशिरापर्यंत न परतल्याने गावामध्ये शोध घेण्यात आला.
शेतामध्ये शोध घेतला असता आंब्याच्या झाडास दोरीने गळफास घेऊन आत्महत्या केल्याचे उघडकीस आले, याबाबत बार्शी तालुका पोलिसात आकस्मिक मयताची नोंद झाली असून पुढील तपास पोलिस हेड कॉन्स्टेबल अमित घाडगे हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
