टीम मंगळवेढा टाईम्स ।
पत्नीच्या मृत्यूचा विरह सहन न झाल्याने मानसिक तणावाखाली येऊन विषारी औषध प्राशन केल्याने उपचारापूर्वी कृषी पर्यवेक्षकाचा दुर्दैवी मृत्यू झाला.
विकास अशोक भाले (वय ३९, रा.बलवडी, ता. सांगोला) असे मृताचे नाव असून ही घटना १० मे रोजी दुपारी १२:४५ च्या सुमारास वारे (ता. सांगोला) येथील शेतातील पत्रा शेडमध्ये उघडकीस आली.
याबाबत, मयताचा भाऊ जितेंद्र अशोक भाले यांनी पोलिसात खबर दिली आहे. त्यांच्या पश्चात आई-वडील दोन मुली, एक मुलगा, भाऊ असा परिवार आहे.
पोलिसांनी दिलेल्या माहितीनुसार,विकास भाले हे उपविभागीय कृषी अधिकारी पंढरपूर अंतर्गत महूद येथील सीड फॉर्म येथे कृषी पर्यवेक्षक पदावर कार्यरत होते.
त्यांच्या आजारी पत्नीचे एक महिन्यांपूर्वी निधन झाल्यानंतर ते मानसिक तणावाखाली होते. त्यातूनच विकास भाले यांनी १० मे रोजी त्यांच्या वझरे येथील शेतातील पत्रा शेडमध्ये जाऊन विषारी औषध प्राशन केले.
दरम्यान भाऊ विकास घरात कोठे दिसून येत नाही म्हणून नातेवाइकांनी त्यांच्या मोबाइलवर संपर्क केला असता फोन वाजत होता, परंतु ते उचलत नव्हते. म्हणून नातेवाइकांनी शोध घेतला असता ते वारे शेतातील पत्रा शेडमध्ये बेशुद्ध अवस्थेत मिळून आले.
उपचारासाठी त्यांना सांगोला ग्रामीण रुग्णालयात दाखल केले असता तेथील डॉक्टरांनी मृत घोषित केले.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज