टीम मंगळवेढा टाईम्स ।
चोरीच्या प्रकरणात शिक्षा भोगत असलेल्या आरोपीला जामीन मिळालाच होता, पण न्यायालयाच्या परिसरात त्याने थुंकल्याने न्यायाधीशानी तात्काळ जामीन रद्द केला आणि तुरुंगात रवानगी केली. यवतमाळ जिल्हा आणि सत्र न्यायालयाच्या परिसरात ही घटना घडली.
चोरीच्या प्रकरणात एक वर्षाची शिक्षा आणि हजार रुपये दंड वणीच्या न्यायालयाने गोविंद जाधव या आरोपीला सुनावली होती. या प्रकरणात 22 जुलैला अतिरिक्त जिल्हा व सत्र न्यायालयात त्याने अपील केली.
न्यायालयाने त्याला जामीन मंजूर देखील केला. मात्र या कालावधीत आरोपीने गुटखा खाऊन न्यायालय परिसरातील तीन वेळा प्रतिक्षालयातील खांबावर पिचकारी मारली.
नेमकी हीच बाब न्यायाधीश हेमंत सातभाई यांना सीसीटीव्ही कॅमेऱ्यात दिसली आणि आरोपीला जामीन हक्क गमावून पुन्हा तुरुंगाची हवा खावी लागली.
गोविंदा मनोज जाधव या आरोपीला नोटीस बजावून न्यायालयाच्या परिसरात थुंकल्याने 12 ऑगस्ट या प्रकरणी उत्तर सादर करण्याचे निर्देश दिले होते. 12 ऑगस्ट परत न्यायालयात आला असता तो आरोपी मद्य प्राशन करून आल्याचं समोर आलं.
वैद्यकीय तपासणीतही ही बाब उघड झाली. आरोपीने या प्रकरणात केलेलं गैरवर्तन सिद्ध झाल्याने,
तसेच जामिनावर राहण्याच्या अटी आणि शर्तीचे उल्लंघन केल्याचे स्पष्ट झाल्याने न्यायाधीश हेमंत सातभाई यांनी त्याची कारागृहात रवानगी केली.(स्रोत:ABP माझा)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
