टीम मंगळवेढा टाईम्स ।
मंगळवेढा उपविभागीय कार्यालयात शेतकऱ्यांची सतत गर्दी असते तिथे राष्ट्रीय महामार्ग क्रमांक १६६ बाधित शेतकऱ्यांना मोबदला मिळण्यासाठी प्रांतांना भेटण्यासाठी शेतकरी ये-जा करीत असतात जो शेतकरी येतो.
त्याच्या पाठीमागे एजंट पाठलाग करत असतो. किंवा ऑफिसमधील ज्या शेतकऱ्यांनी पेमेंट उचलला नाही त्याची माहिती घेऊन त्याच्या घरापर्यंत एजंट जात असल्याचा आरोप प्रहारचे मंगळवेढा तालुका अध्यक्ष समाधान हेंबाडे यांनी केला आहे.
आंधळगाव, गणेशवाडी, ब्रह्मपुरी, माचणूर या भागातील शेतकरी हैराण झाले आहेत. एजंट दररोज घरी येतो, तक्रार कुणाकडे करायची हा शेतकऱ्यांपुढे प्रश्न निर्माण झाला.
याला वाचा फोडण्याचे काम प्रहार संघटनेकडे असल्यामुळे काही शेतकऱ्यांनी आमच्या प्रहार संघटनेकडे न्याय मागण्यासाठी धाव घेतली एक तर मंगळवेढ्यातील शेतकरी काझी प्रकरणामुळे भरपूर हैराण झाला आहे.
त्याला वाचा फोडण्याचे काम प्रहार संघटनेने केले. त्यामुळे शेतकऱ्यांना मोबदला मिळण्यास सुरुवात झाली पण याचा फायदा छोटे अधिकारी काही एजंट हाताशी धरून एक फळी तयार होत असल्याचे दिसून आले आहे.
सांगोला वरून मोठा एजंट येतो व मंगळवेढा तालुक्यातील छोट्या छोट्या एजंटाला एकत्र करतो आणि त्यांनी आलेल्या शेतकऱ्यांना सांगतो की तुमच्या सह्या मी इथे नाही वेगळ्या ठिकाणी घेतो शेतकरी भरपूर अडचणीत असल्यामुळे त्यांनी मागील त्या शब्दाला शेतकऱ्यांना तयार व्हावे लागत आहे.
तर दुसरीकडे माचणुर भागातील एक छोटा छावणी चालक एजंट असल्याचे दिसून आले आहे. माझं बिल काढा मी तुम्हाला पाहिजे तेवढी लोक आणून देतो असे त्याचे उद्दगार असल्याचे स्पष्ट झाले आहे.
याकडे मंगळवेढ्याचे प्रांताधिकाऱ्यांनी लक्ष घालणे गरजेचे आहे. नाहीतर त्या एजंटगिरीला प्रहार संघटना आळा घातल्याशिवाय राहणार नाही.
नाहीतर सोलापूर जिल्ह्याचे प्रहारचे जिल्हाध्यक्ष दत्ताभाऊ मस्के पाटील व राज्यमंत्री बच्चू कडू यांचे विश्वासू अजित कुलकर्णी यांच्या उपस्थितीत प्रांत कार्यालयाच्या आवारात एजंटचे तोंड काळे केल्याशिवाय शांत बसणार नाही अशी प्रहार संघटनेचे समाधान हेंबाडे यांनी भूमिका घेतली आहे.
कोरोनामुळे शेतकरी अडचणीत आला कुठेतरी मोबदल्याच्या स्वरूपात शेतकऱ्याला आधार मिळत असताना त्यावरही हा काळ आडवा येतो त्यामुळे शेतकऱ्यांसाठी प्रहार संघटना रस्त्यावर उतरले आहे.
जर हे बंद नाही झाले तर महसुल आयुक्त यांचे कडे जाणार आहे असे प्रहारचे मंगळवेढा तालुका अध्यक्ष समाधान हेंबाडे यांनी सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
