टीम मंगळवेढा टाइम्स ।
आठ महिन्यांपूर्वी झालेल्या प्रेमविवाहावेळी मानपान केला नाही प्रापंचिक साहित्य न दिल्याच्या कारणावरून शिवीगाळ करून मारहाण केली.
तसेच हाताला धरून घराबाहेर काढले. दुपारी ही घटना घडली याबाबत प्रेरणा विजय साठे (२७ रा.अलीपूर रोड,बार्शी ) हिने तक्रार दिली आहे.
पोलिसांनी पती विजय सिद्धेश्वर साठे, सासू नंदाबाई साठे, सासरे सिद्धेशवर साठे (सर्व रा.अलीपूर रोड,बार्शी) तर पतीचे मित्र दीपराज कदम, ओंकार जाधव, प्रसाद शेळके या सहा जणांविरुद्ध गुन्हा दाखल करण्यात आला.
पोलीस सूत्राकडील माहितीनुसार फिर्यादीचा प्रेरणा हिचा २० सप्टेंबर २०२१ रोजी आळंदी येथे प्रेमविवाह झाला. त्यानंतर तिला सासरी आईवडील घेऊन आले. त्यानंतर लग्नपत्रिका छापून ३० सप्टेंबर २०२१ रोजी येथील मंगल कार्यालयात विवाह लावून दिला.
यावेळी वडिलांनी तिला एक तोळ्याची सोन्याची चेन व अर्ध्या तोळ्याची अंगठी पतीला दिली होती दोन महिने व्यवस्थित नांदविले.
त्यानंतर लग्नात मानपान, साहित्य दिले नाही म्हणून त्रास देऊ लागले. तिचे सोन्याचे गंठण न विचारता नवऱ्याने घेतले. त्याबाबत २४ मे रोजी विचारणा केली असता चिडून शिवीगाळ करून गेले.
दि.२६ मे रोजी फिर्यादी ही आईसह माहेरी घरी असताना पती विजय, मित्र दीपराज कदम, ओंकार जाधव आले आणि प्रेरणाच्या आईला तुझा नवरा, मुलगा कोठे आहे त्यांना मारून टाकतो असे धमकावून गेले.
काही वेळाने परत घरात विजय याने सत्तूर दरवाजावर मारून काचा फोडून दमदाटी करून गेला. पुढील तपास पोलीस नाईक दत्तात्रय अडसूळ करत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
