अभिनेते कमलाकर सातपुते आज मंगळवेढ्यात; दामाजी न्यूजचा तृतीय वर्धापनदिन

टीम मंगळवेढा टाईम्स ।

मंगळवेढा येथील न्युज चॅनल दामाजी न्यूजचा आज तृतीय वर्धापनदिन मंगळवेढा येथील श्रीराम मंगल कार्यालयात साजरा होत असून त्यानिमित्त विविध कार्यक्रमाचे आयोजन करण्यात आल्याची माहिती दामाजी न्यूजचे ब्युरो चिफ राजेंद्रकुमार जाधव यांनी दिली.

आज दुपारी २ ते ४ पर्यंत चहापान , स्वागत समारंभ , स्नेह मेळावा ,मराठी व हिंदी गाण्याचा ट्रॅक शो होणार असून सायं .४ वाजता विविध क्षेत्रातील मान्यवरांचा सन्मान सोहळा होणार आहे.

महाराष्ट्राचा कराओके सुपरसिंगर तसेच स्वरसम्राट या ऑनलाईन गायन स्पर्धेतील विजेत्यांचा पारितोषिक वितरण समारंभ होणार असून सायं .६.३० वाजता लघुचित्रपट महोत्सव आयोजित करण्यात आला आहे.

वर्धापनदिन सोहळयास टि.व्ही.स्टार व मराठी चित्रपट अभिनेते कमलाकर सातपुते व मान्यवर उपस्थित राहणार असून कार्यक्रमास सर्वांनी उपस्थित रहावे असे आवाहन राजेंद्रकुमार जाधव यांनी केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.