मंगळवेढा टाईम्स न्युज नेटवर्किंग ।
सोलापूर जिल्हा परिषद अध्यक्षपद बार्शी तालुक्याकडे जाणार की मंगळवेढा व माढ्याला संधी मिळणार, याची उत्सुकता कार्यकर्त्यांना लागली आहे. मुख्यमंत्र्यांच्या आदेशानुसार पालकमंत्र्यांकडे अधिकार राहणार आहेत.
सध्या बार्शीचे दीपक वैद्य, टेंभुर्णीच्या अमृता वाघे व मोडनिंबच्या वंदना कांबळे यांची नावे अध्यक्षपदासाठी समोर येत आहेत. येत्या १८ मार्च रोजी अध्यक्षपदाचे चित्र स्पष्ट होणार आहे.
जिल्हा परिषदेच्या निवडणुकीत भाजपला स्पष्ट बहुमत मिळाले आहे. तब्बल ३८ जागा भाजपला मिळाल्या आहेत. त्यामुळे अध्यक्ष, उपाध्यक्ष व इतर पदाधिकाऱ्यांमध्ये भाजपलाच संधी मिळणार आहे.
गटनेता, प्रतोद, प्रवक्ता निवडीत काही तालुक्यांना संधी देण्यात आली आहे. बार्शी तालुक्यातील सर्व जागा भाजपच्या आल्यामुळे सध्याच्या घडीला राजेंद्र राऊत समर्थक दीपक वैद्य यांचे नाव आघाडीवर आहे.
मात्र, जातीय समीकरण व भविष्यातील राजकीय गणिते मांडल्यास इतर तालुक्यांनाही संधी मिळण्याची शक्यता आहे. कारण, ज्या तालुक्यात भाजप कमकुवत आहे. त्या तालुक्याकडे अध्यक्षपद जाण्याची शक्यता काही राजकीय मंडळी वर्तवित आहेत.
तसे झाल्यास माढा तालुक्याकडे अध्यक्षपद जाण्याची शक्यता अधिक आहे. टेंभुर्णीच्या अमृता वाघे या उच्चशिक्षित आहेत. त्यामुळे त्यांना संधी मिळण्याची शक्यता आहे, असेही बोलले जात आहे.
स्वीकृत सदस्यांसाठी फिल्डिंग
दहा सदस्यांमागे एक स्वीकृत सदस्य असा निर्णय झाल्यास भाजपकडे चार सदस्य येणार आहेत. त्या चार जागांवर कोणाला संधी मिळणार, याची चर्चा सुरू झाली आहे.
अक्कलकोट, बार्शी, पंढरपूर, मंगळवेढा तालुक्यातील नावे चर्चेत आहेत. याशिवाय राष्ट्रवादी (अजित पवार) व शिंदेसेनेला प्रत्येकी एक जागा मिळणार असल्याचे बोलले जात आहे.
शिवाजी कांबळे यांच्या अनुभवाचा फायदा घेण्यासाठी वंदना कांबळे यांना संधी मिळेल, असा सूर आहे. याशिवाय रामप्पा चिवडशेट्टी यांचे नाव चर्चेत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
