टीम मंगळवेढा टाईम्स।
मंगळवेढा तालुक्यातील नंदेश्वर येथील विकास नाथा कटारे (वय 37) या तरुण शेतकऱ्याचा खडकी शिवारात असलेल्या शेतात विजेचा तीव्र धक्का लागून दुर्दैवी मृत्यू झाला. या घटनेने नंदेश्वर, खडकी परिसरात हळहळ व्यक्त होत आहे.
याबाबत सविस्तर वृत्त असे की, गुरुवार दिनांक 14 रोजी सकाळी सात वाजता विकास कटारे आपल्या आई-वडिलांसोबत खडकी शिवारात असलेल्या शेतात शेतीचे काम करण्यासाठी गेला होता.
यावेळी आई-वडिलांना शेतात सोडून दूध डेअरीला घालून येतो असे सांगून गेला. आणि जाता जाता मोटर चालू करून जावे असा विचार करून मोटर चालू करायला गेल्यावर विजेचा तीव्र धक्का लागून त्याचा जागीच मृत्यू झाला.
सकाळी साडेदहा वाजून गेले तरी मुलगा दूध घालून माघारी का आला नाही हे पाहायला गेल्यानंतर वडील नाथा कटारे त्यांचा मुलगा विकास हा मृत अवस्थेत आढळला. आपल्या मुलाला मृत अवस्थेत पाहून विकास याच्या आई-वडिलांनी फोडलेला हंबरडा पाहून घटनास्थळी उपस्थित असलेल्यांना अश्रू अनावर झाले.
यानंतर नंदेश्वरचे पोलीस पाटील संजय गरंडे यांनी तात्काळ पोलीस स्टेशनला माहिती कळविली. पंचनामा करून शवविच्छेदनानंतर मृतदेह अंत्यविधीसाठी नातेवाईकांच्या ताब्यात देण्यात आला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
