भयानक! पाठीमागील भांडणाचा राग मनात धरुन एकास प्लास्टिक पाईपने बेदम मारहाण, पाचजणाविरुध्द गुन्हा दाखल; मंगळवेढा तालुक्यातील घटना

मंगळवेढा टाईम्स न्युज नेटवर्क ।

मंगळवेढा तालुक्यातील भोसे येथे पाठीमागील भांडणाचा राग मनात धरुन आकाश अशोक काकडे (वय २५) या हॉटेल मॅनेजरला जबरदस्तीने मोटर सायकलवर बसवून माळरानावरील गदयागाढव येथे नेवून

अंगावरील कपडे काढून हातपाय बांधून रुमालाचा बोळा तोंडात कोंबून प्लास्टिकच्या पाईपने बेदम मारहाण करुन गंभीर जखमी केल्याप्रकरणी

जकराया मासाळ, गंगाराम शेजाळ, जीवन मोटे (रा.नंदेश्वर), कुंडलिक मासाळ, समाधान मासाळ (रा.गोणेवाडी) या पाचजणाविरुध्द मंगळवेढा पोलीसात गुन्हा दाखल झाला आहे.

पोलीस सुत्रांनी दिलेली माहिती अशी, यातील जखमी फिर्यादी तथा हॉटेल मॅनेजर आकाश अशोक काकडे (रा.काकडे वस्ती भोसे) हे दि.१८ जुलै रोजी रात्री ९ वाजता भोसे येथील स्वराज्य हॉटेल मध्ये काऊंटरवर बसले असता

पाठीमागील भांडणाचा राग मनात धरुन वरील आरोपींनी मोटर सायकलवर येवून फिर्यादीस जबरदस्तीने बसवून माळरानावरील ग‌द्यागाढव येथे नेवून फिर्यादीच्या अंगावरील कपडे काढून त्याच कपड्याने हातपाय बांधले,

तसेच रुमालाचा बोळा तोंडात कोंबून आरोपींनी प्लास्टिकच्या पाईपने पाठीवर पोटावर हातावर, पायावर, डोकीत मारुन गंभीर जखमी केले. पोलीसात तक्रार केली तर तुला जीवंत सोडणार नाही अशी धमकी दिली असल्याचे दिलेल्या तक्रारीत म्हटले आहे. याचा अधिक तपास पोलीस करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज