टीम मंगळवेढा टाईम्स ।
मंगळवेढा तालुक्यातील ब्रम्हपुरी येथून २० वर्षीय विवाहित महिला ३ वर्षीय मुलीसह बेपत्ता झाल्याची तक्रार तीच्या आईने पोलिसांत दिली असून पोलिस त्या मायलेकीचा कसून शोध घेत आहेत.
आईने रागावल्याने २० वर्षीय विवाहित मुलगी रागाच्या भरात दि.२० रोजी दुपारी ४.०० च्या दरम्यान तीच्या तीन वर्षीय मुलीस सोबत घेवून कोणास काही न सांगता निघून गेली असल्याचे पोलिसात दिलेल्या तक्रारीत तीच्या आईने म्हटले आहे.
तीच्या कुटुंबियांनी सर्वत्र नातेवाईकांकडे शोध घेतला मात्र ती मिळून आली नाही.तीचे वर्णन- उंची ५ फुट , अंगात पांढऱ्या रंगाची साडी , पांढरा ब्लाऊज , शिक्षण १२ वी ,
अंगाने सडपातळ , रंग सावळा , चेहरा गोल , नाक सरळ , गळयात मणी मंगळसुत्र , तर तीच्या सोबत असलेल्या मुलीची उंची ३ फुट , रंग सावळा , चेहरा गोल , रंगीबेरंगी पोपटी रंगाचा शर्ट असून
या मायलेकी कोणाच्या नजरेस आल्यास त्यांनी मंगळवेढा पोलिस स्टेशन ०२१८८/२२०३३३ शी संपर्क साधावा असे आवाहन केले आहे.अधिक तपास पोलिस नाईक राजशेखर निंबाळकर हे करीत आहेत.
ब्रम्हपुरी येथून विवाहिता बेपत्ता
२४ तासात दुसरी घटना
मंगळवेढा तालुक्यातील ब्रम्हपुरी येथून २४ वर्षीय विवाहित महिला बेपत्ता झाली असल्याची तक्रार तीच्या पतीने मंगळवेढा पोलिसात दिली असून पोलिस त्या बेपत्ता महिलेचा कसून शोध घेत आहेत.
दरम्यान ब्रम्हपुरीतून २४ तासाच्या कालावधीत दोन विवाहित महिला बेपत्ता झाल्याने चिंता वाढली आहे.
पोलिस सुत्रांनी दिलेली माहिती अशी , ब्रम्हपुरी येथून दि .२० रोजी पहाटे ५.३० च्या दरम्यान राहते न झाली असल्याचे पतीने दिलेल्या तक्रारीत म्हटले असून
तीची उंची ५ फुट , अंगाने सडपातळ , रंग गोरा, चेहरा उभट , केस काळे लांब , अंगावर हिरव्या रंगाची साडी, गळयात मणी मंगळसुत्र,
सोबत आठ वर्षीय मुलगी व तीन वर्षाचा मुलगा अशी मायलेकरे बेपत्ता झाल्याचे तक्रारीत म्हटले आहे. अधिक तपास पोलिस हवालदार देवानंद हेंबाडे हे करीत आहेत.
रड्डे येथून तरूण बेपत्ता
मंगळवेढा तालुक्यातील रड्डे येथून उत्तम सिताराम कांबळे (वय ४५) ही व्यक्ती सायकलवरून गावात जावून येतो असे कुटुंबियांना सांगून गेला तो परत आला नसल्याने याची तक्रार आईने पोलिसात दिली असून पोलिस याचा शोध घेत आहेत.
दि .२९ मे रोजी सकाळी ११.०० वा . रड्डे येथील राहत्या घरातून तक्रारदार कापूरा कांबळे हिचा मुलगा उत्तम कांबळे हा गावात जावून येतो असे सांगून सायकलवर निघून गेला तो अदयापपर्यंत घरी परतला नाही.
त्याचा नातेवाईकांनी सर्वत्र शोध घेतला परंतू तो मिळून आला नाही. याचा अधिक तपास पोलिस हवालदार अंकुश जाधव हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
