टीम मंगळवेढा टाईम्स ।
मंगळवेढा तालुक्यातील बोराळे बीट हद्दीतील बठाण गावात पोलिसांनी अवैध जुगार अड्ड्यांवर मोठी कारवाई केली आहे. गुप्त माहितीच्या आधारे पोलिसांनी दोन वेगवेगळ्या ठिकाणी एकाच वेळी छापा टाकून
‘मन्ना’ नावाचा पत्त्यांचा जुगार खेळणाऱ्या एकूण ९ जणांवर महाराष्ट्र जुगार कायद्यानुसार गुन्हा दाखल केला आहे. या दोन्ही कारवायांमध्ये मिळून पोलिसांनी ७ हजार ८०० रुपयांची रोकड आणि जुगाराचे साहित्य जप्त केले आहे.
पोलिसांची कारवाई सविस्तर:
पहिली कारवाई (पाण्याच्या टाकीजवळ):
बोराळे बीट हद्दीत पोलीस उपनिरीक्षक नागेश बनकर, पोलीस हवालदार मनोज खंडागळे आणि पोलीस अंमलदार जाधव हे दि. १५ रोजी गस्त घालत असताना बठाण येथील पाण्याच्या टाकीजवळ काहीजण जुगार खेळत असल्याची माहिती मिळाली.
पोलिसांनी तात्काळ धाड टाकली असता विजय शिंदे, हनुमंत बेदरे, रावसाहेब साठे, नितीन रोंगे आणि खंडू मंडले हे ५२ पत्त्यांच्या पानांवर पैशांची पैज लावून ‘मन्ना’ जुगार खेळताना रंगेहात पकडले गेले. त्यांच्याकडून रोख ४ हजार २०० रुपये आणि जुगार साहित्य जप्त करण्यात आले.
दुसरी कारवाई (सरकारी दवाखान्याच्या मोकळ्या जागेत):
त्याच रात्री साडेआठ वाजण्याच्या सुमारास बठाण येथील सरकारी दवाखान्याच्या आवारात दिव्याच्या उजेडात जुगार सुरू असल्याची माहिती मिळाली. पोलिसांनी तिथे छापा मारून दीपक दावणे, परमेश्वर बेदरे, महेश सुतार आणि विकास बेदरे यांना पैशांचा डाव मांडून जुगार खेळताना ताब्यात घेतले. त्यांच्याकडून रोख ३ हजार ६०० रुपये व पत्त्यांचे डाव जप्त करण्यात आले.
बठाण गावात एकाच वेळी दोन ठिकाणी पोलिसांनी केलेल्या या धाडसी कारवाईमुळे अवैध धंदे करणाऱ्यांमध्ये मोठी खळबळ उडाली आहे. या दोन्ही घटनांप्रकरणी पोलीस अंमलदार सिध्दनाथ शिंदे यांनी फिर्याद दिली असून पोलीस अधिक तपास करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
