टीम मंगळवेढा टाईम्स ।
सोलापूर जिल्ह्यात विनापूर्वसूचना सुरू असलेल्या आपत्कालीन विद्युत भारनियमनामुळे नागरिक आणि शेतकरी त्रस्त झाले आहेत. या गंभीर समस्येची दखल घेत पालकमंत्री जयकुमार गोरे यांनी महावितरणच्या कारभारावर तीव्र नाराजी व्यक्त केली आहे.
“भारनियमन करणे अपरिहार्य असल्यास नागरिकांना आधीच पूर्वसूचना द्यावी,” अशा सूचना पालकमंत्र्यांनी महावितरणला दिल्या.
दरम्यान, पंढरपूर विभागीय कार्यालयाच्या कार्यकारी अभियंत्याने ग्राहकांशी केलेल्या आक्षेपार्ह विधानाची पालकमंत्र्यांनी गंभीर दखल घेतली. संबंधित अधिकाऱ्याला तात्काळ ‘कारणे दाखवा नोटीस’ बजावून खुलासा मागवण्याचे आदेश त्यांनी जिल्हाधिकाऱ्यांना दिले.
जिल्ह्यातील भारनियमनाच्या वाढत्या तक्रारींनंतर पालकमंत्री गोरे यांनी शनिवारी व्हिडिओ कॉन्फरन्सिंगद्वारे आढावा बैठक घेतली. या बैठकीस जिल्हाधिकारी एस. कार्तिकेयन, महावितरणचे अधीक्षक अभियंता सुनील माने यांच्यासह जिल्ह्यातील सर्व कार्यकारी आणि उपअभियंते उपस्थित होते.
मागील दोन दिवसांत सलग चार ते सहा तास अचानक करण्यात आलेल्या आपत्कालीन भारनियमनामुळे पालकमंत्र्यांनी अधिकाऱ्यांना धारेवर धरले. कृषी पंपधारक शेतकरी आणि नागरिकांचा मनस्ताप थांबवण्यासाठी कायमस्वरूपी उपाययोजना करण्याचे स्पष्ट निर्देश त्यांनी दिले.
विजेचे भारनियमन नक्की किती वेळ आणि का होणार, याची स्पष्ट माहिती ग्राहकांपर्यंत पोहोचवण्यासाठी तातडीने पूर्वसूचना देणारी यंत्रणा उभारावी, असेही त्यांनी सांगितले.
वीजपुरवठ्याबाबत नागरिकांना शक्य तेवढी मदत करावी
जिल्ह्यातील सर्व विद्युत अधिकाऱ्यांना ग्राहकांच्या भावना लक्षात घेऊन जबाबदारीने, संयमाने आणि सौहार्दपूर्ण पद्धतीने संवाद साधण्याच्या सूचना दिल्या. वीजपुरवठ्याबाबत नागरिकांना शक्य तेवढी मदत करावी आणि त्यांच्या तक्रारींचे समाधानकारक निराकरण करण्यासाठी प्रयत्न करावेत.- एस. कार्तिकेयन, जिल्हाधिकारी, सोलापूर
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
