टीम मंगळवेढा टाईम्स । प्रतिनिधी
सुराज्य ग्राम मोहीम अंतर्गत पंढरपूर-मंगळवेढा विधानसभा मतदारसंघांचे आमदार समाधान आवताडे यांचा आमदार मुक्कामी आपल्या गावी अभियानास पाटखळ येथे आज बुधवार दिनांक २सप्टेंबर पासून सायंकाळी ४. ०० वाजलेपासून पंचायत समिती सभापती दिपाली ताड यांच्या उपस्थितीमध्ये प्रारंभ करण्यात येणार आहे.
यावेळी सर्व नागरिकांनी आपल्या मागण्या तसेच अडीअडचणी व समस्या लेखी स्वरूपात आपल्या मोबाईल नंबर सहीत आणाव्यात असे आवाहन आमदार जनसंपर्क कार्यालय यांच्यावतीने करण्यात आले आहे.
मत मागायला केवळ लोकांच्या दारी जायचे आणि प्रश्न असतील तर लोकांनी आपल्या दारी यायचे ही कल्पनाच मला पटत नाही. मत मागायला जसे गावोगावी जातो तसे समस्या सोडवायला देखील त्यांच्या गावी जाऊन, जनतेमध्ये राहून सोडवणे हे महत्त्वाचे वाटते.
छत्रपती शिवाजी महाराज महाराजस्व अभियाना अंतर्गत एका नावीन्यपूर्ण अभियानाचा प्रारंभ पाटखळ पासून करण्यात आला. आता विविध गावोगावी आमदार आवताडे मुक्काम करून गावातील नागरिकांशी थेट संवाद साधत त्यांच्या विविध समस्या व अडचणी जाणून घेण्यात येणार आहेत.
तहसीलदार, पोलिस प्रशासन, गटविकास अधिकारी, ग्रामसेवक, तलाठी, कृषी अधिकारी, महावितरणचे अधिकारी तसेच संबंधित विविध विभागांचे अधिकारी यांना सोबत घेऊन या अभियानाची आखणी करण्यात आली असल्याने अधिकाधिक प्रश्न तत्काळ मार्गी लावण्यावर भर देण्यात येणार आहे.
शेतकऱ्यांचे शेतीविषयक प्रश्न, वीजपुरवठ्याच्या अडचणी, शेतजमिनीच्या बांधाचे प्रश्न, रस्ते, रेशन धान्य , पाणी, व गावातील मूलभूत सुविधा, शाळा,घरकुल, आरोग्य विविध शासकीय दाखले यांसह नागरिकांच्या अनेक प्रश्नांवर यावेळी सविस्तर चर्चा करून शंकाचे जागेवरच निरसन होणार आहे.
अनेक नागरिकांना प्रशासकीय कार्यालयात वारंवार जाता येत नसल्याने, किंवा अनेक विभागांमध्ये एकत्र काम असताना समन्वय साधता न आल्याने समस्यांना सामोरे जावे लागते. ही अडचण ओळखून सर्व विभागांच्या अधिकाऱ्यांना थेट गावी घेऊन नागरिकांच्या समस्या सोडवणे या उपक्रमामुळे अधिक सोयीचे होणार आहे.
गावकऱ्यांशी झालेला थेट संवाद, त्यांच्या अडचणी समजून घेण्याची मिळालेली संधी आणि प्रश्न मार्गी लागल्यानंतर त्यांच्या चेहऱ्यावर उमटलेले समाधान, हीच या अभियानासाठीची ऊर्जा आहे.
जनतेच्या दारी जाणे, जनतेचा आवाज ऐकणे आणि जनतेचे प्रश्न सोडविण्यासाठी सातत्याने प्रयत्न करणे हे कर्तव्य करण्यासाठी मी सातत्याने प्रयत्नशील असतो हे अभियान त्याचाच एक भाग आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
