मंगळवेढा टाईम्स न्युज नेटवर्किंग ।
जनतेने आपली कामे घेऊन मंत्रालयात येण्यापेक्षा मंत्री आणि प्रशासकीय अधिकाऱ्यांनीच गावपातळीवर जाऊन लोकांच्या समस्या सोडवल्या पाहिजेत. नागरिकांनी दिलेल्या अर्जावरील कामे येत्या तीन दिवसांत मार्गी लागलीच पाहिजेत, अन्यथा संबंधित अधिकाऱ्यांवर कडक कारवाई केली जाईल, असा इशारा राज्याचे महसूलमंत्री चंद्रशेखर बावनकुळे यांनी दिला.
करमाळ्यात मंत्री बावनकुळे यांच्या हस्ते सहदुय्यम निबंधक कार्यालयाच्या नूतन इमारतीचे उद्घाटन करण्यात आले. यावेळी दौऱ्यावर आले असता त्यांनी नागरिकांच्या समस्या प्रत्यक्ष जाणून घेतल्या आणि निवेदनांचा स्वीकार केला.
या वेळी मंत्री बावनकुळे म्हणाले, शुल्क भरल्यापासून अवघ्या १५ दिवसांत मोजणी पूर्ण करण्याचा सरकारचा मानस आहे. महाराष्ट्रात देवेंद्र फडणवीस यांच्या नेतृत्वाखाली मजबूत सरकार असून जनतेची कामे जागेवरच मार्गी लावणे हेच आमचे मुख्य धोरण आहे. चांगले काम करणाऱ्या अधिकाऱ्यांचा योग्य तो सन्मानही केला जाईल.
यावेळी या कार्यक्रमास आमदार नारायण आबा पाटील, माजी खासदार रणजीतसिंह नाईक निंबाळकर, भाजप गटनेत्या रश्मी बागल, जिल्हाधिकारी कार्तिकेयन, प्रांताधिकारी आव्हाड मॅडम, तहसीलदार शिल्पा ठोकडे, पोलीस निरीक्षक रणजित माने, मुख्याधिकारी सचिन तपसे, उपनगराध्यक्ष अतुल फंड यांच्यासह विविध विभागांचे अधिकारी व पदाधिकारी उपस्थित होते.
प्रशासनाने गावपातळीवर उतरण्यासाठी दिले निर्देश
महसूल विभागाच्या जबाबदारीवर भाष्य करताना मंत्री महोदय म्हणाले, ‘गृह खाते जनतेच्या जीवाचे संरक्षण करते, तर महसूल खाते जनतेच्या मालमत्तेचे रक्षण करते.
मात्र, अलिकडच्या काळात प्रशासन मूलभूत प्रश्नांकडे दुर्लक्ष करत असल्याचे चित्र आहे. हे बदलण्यासाठी तहसीलदार, भूमी अभिलेख अधिकारी, मुद्रांक अधिकारी आणि तलाठी यांनी गावपातळीवर जाऊन नागरिकांची प्रलंबित कामे पूर्ण करावीत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
