मंगळवेढा टाईम्स न्युज नेटवर्क।
जिल्हा परिषद व पंचायत समिती सदस्यांचे महाराष्ट्र शासन राजपत्र (गॅझेट) प्रसिद्ध झाले आहे. निवडणूक कार्यालयाकडून मिळालेल्या माहितीनुसार सुरुवातीला पंचायत समिती सभापती, उपसभापती व इतर पदांच्या निवडी होणार असून, त्यानंतर जिल्हा परिषद अध्यक्ष, उपाध्यक्ष व इतर समित्यांच्या सभापती निवडी होणार असल्याची शक्यता वर्तविण्यात आली आहे.
दरम्यान, सोलापूर जिल्ह्यातील ६८ जिल्हा परिषद गट व १३६ पंचायत समिती गणासाठी निवडणूक कार्यक्रम जाहीर झाला. उमेदवारी अर्ज भरणे, अर्ज छाननी, माघार घेणे, चिन्हवाटपानंतर प्रचार झाला. जिल्ह्यात ७ फेब्रुवारीला ६५ टक्के मतदान झाले. ९ फेब्रुवारीला मतमोजणी पूर्ण झाल्यानंतर जिल्ह्यातील जिल्ह्यातील चित्र स्पष्ट झाले.
जिल्हा परिषद गटात सर्वाधिक जागा भाजपच्या ताब्यात आल्याने जिल्हा परिषदेत भाजपचा अध्यक्ष होणार आहे, तर अनेक पंचायत समितीवर भाजपची सत्ता आहे.
निवडणुका झाल्या… निकाल हाती आला… आता पदाधिकारी निवडी कधी होणार याकडे साऱ्या सोलापूर जिल्हावासीयांचे लक्ष लागले आहे.
महाराष्ट्र शासनाने गॅझेट प्रसिद्ध झाल्यानंतर आता पदाधिकारी निवडीची उत्सुकता शिगेला पोहोचली आहे. पालकमंत्री जयकुमार गोरे हे नूतन पदाधिकाऱ्यांची नावे वरिष्ठ पातळीवर पोहोचविणार असून, ते ज्या नावाला ग्रीन सिग्नल देतील त्या सदस्यांची जिल्हा परिषद अध्यक्षपदासाठी निवड होणार असल्याचे सांगण्यात आले.
..अशी असेल पुढची प्रक्रिया…
महाराष्ट्र शासनाकडून गॅझेट प्रसिद्ध झाले आहे. आता विभागीय आयुक्तांकडून निवडणूक निर्णय अधिकारी नेमणूक होईल, त्यानंतर विभागीय आयुक्त जिल्हा परिषद अध्यक्ष निवडीचा कार्यक्रम जाहीर करतील.
कार्यक्रम जाहीर झाल्यानंतर त्यादिवशी अर्ज भरणे, अर्ज माघार घेणे प्रक्रिया झाल्यानंतर हात उंचावून मतदानाची प्रक्रिया होईल, त्यानंतर निवडणूक निर्णय अधिकारी हे जिल्हा परिषद अध्यक्ष निवड जाहीर करतील, असेही सांगण्यात आले.
मंगळवेढा सभापतीपदासाठी ताड यांचे नाव आघाडीवर
मंगळवेढा पंचायत समिती सभापती पदासाठी दीपाली ताड यांचे नाव आघाडीवर आहे. सभापती पदासाठी आरक्षण हे सर्वसाधारण महिला असल्यामुळे त्याच प्रबळ दावेदार आहेत शिवाय मोठ्या मताधिक्याने विजय मिळवला आहे. आनंद ताड यांनी कोणत्याही पदावर नसताना ग्रामीण भागात पाण्याची मोठी सोई केली होती.
दालनं होऊ लागली सज्ज.. गाड्या घेतल्या ताब्यात…
जिल्हा परिषद पदाधिकारी येत्या काही दिवसात जिल्हा परिषदेत येणार आहेत. त्यासाठीची दालनं नव्याने सज्ज करण्यात येत आहेत. नवा सोफा, खुर्चा, ऑनलाइन बैठकांसाठी एलइडीची सोय, वातानुकूलित दालन याशिवाय अन्य सेवासुविधा, वाहनांची सोय व्हावी यासाठी जिल्हा परिषद प्रशासन कामाला लागले आहे.
मार्च महिन्यात जिल्हा परिषदेचे बजेट..
मार्च महिन्यात बजेट सादर करण्यात येणार आहे, त्यामुळे जिल्हा परिषदेच्या निवडी लवकरच होतील. निवडी, पदभार, सत्कार, समारंभानंतर प्रत्यक्ष कामकाजाला सुरुवात झाल्यानंतर बजेट सादर करण्याची संधी नव्या पदाधिकाऱ्यांना मिळणार आहे. बजेट अन् निवडी मार्च महिन्यात होतील असेही सांगितले जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
