टीम मंगळवेढा टाईम्स।
शासकीय कोट्यातून गरजूंना दिल्या जाणाऱ्या विविध योजनेतील लाभार्थ्यांच्या प्रलंबित कामांच्या अनुषंगाने पंढरपूर-मंगळवेढा विधानसभा मतदारसंघाचे आमदार समाधान आवताडे यांच्या संकल्पनेतून
मंगळवेढा तालुक्यातील सर्व शासकीय अधिकारी व पदाधिकारी यांची लाभार्थ्यांसमवेत अडी-अडचणी संदर्भात आढावा बैठक आयोजन करण्यात आली असल्याची माहिती आमदार जनसंपर्क कार्यालय मंगळवेढा यांच्यावतीने देण्यात आली आहे.
सदर बैठक उद्या सोमवार दिनांक ८ सप्टेंबर २०२५ रोजी सकाळी १०.०० वाजता जोगेश्वरी मंगल कार्यालय, पंढरपूर-मंगळवेढा बायपास रोड मंगळवेढा येथे संपन्न होणार आहे.
या बैठकीमध्ये आमदार समाधान आवताडे हे तालुक्यातील घरकुल योजना, शासकीय ईजीएस योजनेतून शेतकऱ्यांना मिळणाऱ्या विहिरी, जलजीवन तसेच तालुका स्थानिक स्वराज्य संस्थेअंतर्गत इतर
विविध शासकीय योजनांचा यावेळी आढावा घेत वर्तमान काळातील त्या योजनांची स्थिती व त्या योजने संदर्भात असणाऱ्या अडी-अडचणी आणि समस्या जाणून घेत संबंधित शासकीय विभागाला आदेश आणि सूचना देणार आहेत.
सर्वसामान्य व गरजू जनतेचे जीवनमान उंचावण्यासाठी केंद्र व राज्य सरकार अनेक योजनांसाठी विविध मार्गाने प्रचार आणि प्रसार करून त्या योजना लाभार्थ्यांपर्यंत पोहोचवण्यासाठी अनेक प्रयत्न करत आहे.
परंतु काही कारणास्तव या योजना सर्वसामान्य लाभार्थी जनतेपर्यंत जात नसल्यामुळे अनेक लाभार्थी या योजनांपासून आणि शासकीय लाभांपासून वंचित राहत आहेत. त्यासंदर्भात अनेकजण आमदार समाधान आवताडे यांच्याकडे जनसंपर्क कार्यालयामार्फत आपल्या अडचणींचे गाऱ्हाणे मांडत असतात.
जनतेच्या या अडचणींचे हित लक्षात घेऊन एक ठोस पाऊल निर्माण करण्यासाठी आमदार समाधान आवताडे यांच्या संकल्पनेतून या बैठकीच्या आयोजन करण्यात आले आहे.
या बैठकीसाठी तालुक्याचे प्रांतधिकारी, तहसीलदार, गटविकास अधिकारी, शिक्षणाधिकारी, महावितरण अभियंता तसेच विविध इतर खात्यांचे खाते प्रमुख आणि पदाधिकारी उपस्थित राहणार आहेत.
तरी सर्व लाभार्थ्यांनी आपल्या अडीअडचणी व समस्या लेखी निवेदन स्वरूपात स्वतःच्या संपर्काचा मोबाईल नंबर टाकून घेऊन स्वतः उपस्थित रहावे तसेच या बैठकीसाठी तालुक्यातील सर्व गावांचे सरपंच, उपसरपंच, आजी-माजी ग्रामपंचायत सदस्य, ग्रामसेवक, तलाठी, ग्रामपंचायत पदाधिकारी कर्मचारी यांनी उपस्थित राहण्याचे आवाहन आमदार जनसंपर्क कार्यालय मंगळवेढा यांच्या वतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
