मंगळवेढा टाईम्स न्युज नेटवर्क ।
ऑनलाइन जुगाराच्या आहारी गेल्याने कर्जबाजारी झालेल्या लक्ष्मण मारुती जाधव (२८) याने आर्थिक विवंचनेतून पत्नी व दोन वर्षांच्या चिमुरड्यास विष दिले. नंतर स्वतः गळफास लावून आत्महत्या केली. ही घटना बावी (ता.धाराशिव) येथे सकाळी उघडकीस आली आहे.
तीन वर्षांपूर्वी लक्ष्मण-तेजस्विनीचा प्रेमविवाह झाला होता. त्यांना २ वर्षांचा शिवांश हा मुलगा होता. सोमवारी सकाळी १० वाजले तरी त्यांच्या घराचे दार बंद असल्याने शेजाऱ्यांनी दरवाजा ठोठावला.
मात्र, आतून प्रतिसाद मिळत नव्हता. पत्र्याच्या फटीतून काही नागरिकांनी आत डोकावून पाहिल्यानंतर तिघे मृतावस्थेत आढळले. नागरिकांनी पोलिसांना घटनेची माहिती कळवली.
अपर पोलिस अधीक्षक शफाकत आमना, उपविभागीय पोलिस अधिकारी स्वप्निल राठोड घटनास्थळी दाखल झाले. पोलिसांनी पत्रा कापून घरात प्रवेश केला.
सायंकाळी उशिरापर्यंत शासकीय वैद्यकीय रुग्णालयात शवविच्छेदन सुरू होते. याप्रकरणी ग्रामीण पोलिस ठाण्यात अकस्मात मृत्यूची नोंद झाली.
पोलिसांनी पंचनामा केला असता, तेथे विषाच्या २ बाटल्या आढळल्या. एक बाटली रिकामी तर एक सीलबंद होती. एका बाटलीतील विष तिघांनी प्राशन केले, असे पोलिस निरीक्षक मारुती शेळके यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
