धक्कादायक! सामायिक बांधाच्या वादातून शेतकऱ्याचा खून; दोघा भावांवर खुनाचा गुन्हा दाखल

मंगळवेढा टाईम्स न्युज नेटवर्क ।

सामायिक बांधाच्या वादाचा राग मनात ठेवून तसेच चारीमध्ये लिंबाच्या फांद्या टाकल्याच्या कारणावरून खून झाल्याची घटना करमाळा तालुक्यातील अर्जुननगर येथे दि.७ जून रोजी सकाळी ९.३० च्या सुमारास घडलेली आहे.

यामध्ये दोघांवर खुनाचा गुन्हा दाखल झाला आहे. भुजंग सावळा रोकडे (वय ६५) असे खून झालेल्या शेतकऱ्याचे नाव असून, तात्याबा बाबुराव रोकडे व नागनाथ ऊर्फ नागेश बाबुराव रोकडे अशी गुन्हा दाखल झालेल्या संशयित आरोपींची नावे आहेत.

याबाबत सतीश भुजंग रोकडे यांनी फिर्याद दिली असून त्यामध्ये म्हटले आहे की, सामायिक बांधावर असलेले लिंबाचे झाड तात्याबा रोकडे व नागनाथ ऊर्फ नागेश रोकडे यांनी तोडून त्याच्या फांद्या चारीत टाकल्या असता भुजंग रोकडे यांनी त्यांना अडविले व चारी बंद करण्यास अटकाव केला.

त्यामुळे चिडून तात्याबा रोकडे व नागनाथ ऊर्फ नागेश रोकडे यांनी लाथाबुक्क्यांनी मारहाण केली व तू नेहमी आमच्याशी वाद घालत असतो, असे म्हणत तात्याबा रोकडे याने चाकूने छातीवर डाव्या बाजूस भोसकले.

यात भुजंग रोकडे यांचा मृत्यू झाला. याबाबत करमाळा पोलिसात खुनाचा गुन्हा दाखल झाला असून पोलीस निरीक्षक रणजित माने यांच्या मार्गदर्शनाखाली या गुन्ह्याचा तपास सुरू आहे.

मुख्यमंत्री माझी लाडकी बहीण योजनेतील ‘या‘ महिलांना दरमहा 500 रुपये मिळतात; योजनेतील नियम जाणून घ्या

मुख्यमंत्री माझी लाडकी बहीण योजनेच्या मे महिन्याच्या हप्त्याची रक्कम जमा करण्यात आली आहे. लाडक्या बहिणींना आतापर्यंत 11 हप्त्यांची रक्कम मिळाली आहे. मुख्यमंत्री माझी लाडकी बहीण योजनेच्या लाभार्थी महिलांना दरमहा 1500 रुपये दिले जातात.

मात्र, योजनेच्या शासन निर्णयानुसार काही लाडक्या बहिणींना दरमहा 500 रुपयांची रक्कम दिली जाते. पंतप्रधान किसान सन्मान निधी योजना आणि नमो शेतकरी महासन्मा निधी योजनेच्या लाभार्थी महिला शेतकऱ्यांना दोन्ही योजनांचे मिळून 12000 रुपये मिळतात. याचा संदर्भ मुख्यमंत्री माझी लाडकी बहीण योजनेशी जोडण्यात आला आहे.

मुख्यमंत्री माझी लाडकी बहीण योजनेत एखादी लाडकी बहीण नमो शेतकरी महासन्मान आणि पीएम किसानच्या दोन्ही योजनेचे मिळून 12000 रुपये मिळत असतील. तर, महाराष्ट्र सरकारच्या डीबीटी संदर्भातील धोरणानुसार थेट खात्यात रक्कम पाठवण्याची मर्यादा 18000 रुपये निश्चित करण्यात आलेली आहे.

त्यानुसार लाडकी बहीणच्या लाभार्थी महिलेला पीएम किसान आणि नमो शेतकरी महासन्मानचे 12000 रुपये मिळत असतील तर त्यांना दर उर्वरित 6000 रुपयांची रक्कम 500 रुपये दरमहा अशी दिली जाते. त्यामुळं पीएम किसान आणि नमो शेतकरी महासन्मानच्या लाभार्थी असलेल्या लाडक्या बहिणीला दरमहा योजनेतून 500 रुपये मिळतात. यासंदर्भातील नियम योजनेच्या मूळ शासन निर्णयात आहे.

किती लाडक्या बहिणींना 500 रुपये मिळतात?

मुख्यमंत्री माझी लाडकी बहीण योजना महिला व बालविकास विभागातर्फे चालवली जाते. राज्याच्या महिला व बालविकास मंत्री आदिती तटकरे यांनी एप्रिल महिन्यात दिलेल्या माहितीनुसार ज्या लाडक्या बहिणींना 500 रुपये दिले जातात त्यांची आकडेवारी जाहीर केली होती. पीएम किसान सन्मान निधी आणि नमो शेतकरी महासन्मानचा लाभ घेणाऱ्या महिला शेतकऱ्यांची संख्या 774148 इतकी आहे.

या लाडक्या बहिणींना दरमहा 500 रुपये दिले जातात. राज्य सरकारनं मुख्यमंत्री माझी लाडकी बहीण योजनेच्या निकषात कोणतेही बदल केलेले नाहीत. योजनेच्या शासन निर्णयामध्येच हे निकष होते. त्यानुसार मुख्यमंत्री माझी लाडकी बहीण योजनेचा लाभ दिला जातो.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज