धक्कादायक! ऊसतोडणीप्रसंगी ट्रॅक्टरच्या चाकाखाली आल्याने मंगळवेढ्यातील तरूण कामगाराचा मृत्यू

टीम मंगळवेढा टाईम्स। 

इब्राहिमपूर (ता.अक्कलकोट) शिवारातील शेतात ऊसतोड करणाऱ्या ट्रॅक्टरच्या चाकाखाली आल्याने २२ वर्षीय तरुणाचा मृत्यू झाला ओंकार चंद्रकांत शिंदे (रा.सलगर बुद्रुक ता.मंगळवेढा) असे मयताचे नाव आहे.

याबाबत दक्षिण पोलिस ठाणे अक्कलकोट येथे गुन्हा दाखल करण्यात आला आहे. अक्कलकोट तालुक्यातील इब्राहिमपूर येथे गुरुशांत बसण्णा टोणे (रा.इव्रामहिमपूर) यांच्या शेतात

व्ही.पी. शुगरच्या वतीने ऊस तोडणी चालू होती. ही तोडणी मशीनच्या द्वारे करण्यात येत होती. ओंकार शिंदे हा ऊसतोड मशीन व सोबतच्या ट्रॅक्टरची देखभाल ओंकार शिंदे करण्याचे काम करत होता.

शुक्रवारी दुपारी बाराच्या सुमारास ऊसतोड सुरू असताना चालकाच्या हलगर्जीपणामुळे ट्रॅक्टरचा चाक ओंकार यांच्या पोटावरून गेल्याने तो गंभीर जखमी झाला.

त्यास उपचारांकरिता अक्कलकोट येथील ग्रामीण रुग्णालय येथे आणले असता डॉक्टरांनी तपासणीपूर्वी मृत झाल्याचे घोषित केले.

त्याच्या मागे आई- वडील, एक भाऊ असा परिवार आहे. या घटनेबाबत दक्षिण पोलिस ठाणे येथे शेतमालक गुरुशांत टोणे यांनी फिर्याद दिली. महादेव कोंडिबा लोखंडे (रा.मारोळी ता. मंगळवेढा) याच्यावर गुन्हा दाखल झाला आहे.(स्रोत:दिव्य मराठी)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज