टीम मंगळवेढा टाईम्स।
सोलापूर जिल्ह्यात प्रसिद्ध असलेल्या सूर्योदय उद्योग समूहात दाखल झालेले एलकेपी मल्टीस्टेट को ओप.सोसायटी या संस्थेची मंगळवेढ्यात शाखा निर्माण झाल्यामुळे या तालुक्याच्या विकासात मोलाची भर पडली असल्याचे गौरवउद्गार आमदार समाधान अवताडे यांनी काढले.
मंगळवेढा शहरातील सरकार चौकात दादासाहेब नागणे शॉपिंग सेंटर या ठिकाणी एलकेपी मल्टीस्टेटचा लोकार्पण सोहळा संपन्न झाला. या कार्यक्रमांमध्ये अध्यक्ष स्थानावरून ते बोलत होते.
यावेळी मंचावर विठ्ठल कारखान्याचे माजी चेअरमन भगिरथ भालके, आमदार ऍड.शहाजी पाटील यांचे राजकीय प्रतिनिधी सागर पाटील, धनश्री परिवाराचे प्राध्यापक शिवाजीराव काळुंके, भैरवनाथ शुगरचे अनिल सावंत, जकराया शुगरचे सचिन जगताप इत्यादी मान्यवर उपस्थित होते.
यावेळी बोलताना भगीरथ भालके म्हणाले की, अनिल भाऊंचे वित्तीय क्षेत्रामध्ये मोठे योगदान असून शेतकरी, व्यापारी वर्ग व उद्योजक यांच्यासाठी ही संस्था नक्कीच वरदान ठरेल.
प्राध्यापक काळुंगे सरांनीही मंगळवेढेकरांची आर्थिक शिस्त कौतुकास्पद असल्याचे सांगत या संस्थेलाही शुभेच्छा दिल्या.
सूर्योदय उद्योग समूहाचे माध्यमातून अनिल इंगवले यांनी गेली बारा वर्षापासून अथक परिश्रम घेतले असून जगन्नाथ भगत, बंडोपंत लवटे, सुभाष दिघे यांना सोबत घेऊन आर्थिक व उद्योग क्षेत्रामध्ये खूप मोठी भरारी घेतली आहे.
या उद्योग समूहात दाखल झालेल्या एलकेटी मल्टीस्टेटच्या लोकार्पण सोहळ्यासाठी मंगळवेढा तालुका व परिसरामधून विविध पक्षांचे नेते मंडळी, आजी-माजी पदाधिकारी ,व्यापारी बांधव ,विविध संस्थांचे प्रमुख ,महिला भगिनी तसेच युवक वर्ग मोठ्या संख्येने उपस्थित होते.
कार्यक्रमाच्या प्रस्ताविकांमधून चेअरमन अनिल इंगवले यांनी आजवरच्या वाटचालीची पार्श्वभूमी सांगत संस्थेच्या वाटचालीविषयी आपली भूमिका विशद केली. शेवटी आभार संस्थेचे संचालक जगन्नाथ यांनी मांनले.
मंगळवेढा शहराच्या मध्यवर्ती भागात, प्रशस्त इमारत व सुसज्ज फर्निचर आणि अनुभवी संचालक व कर्मचारी वर्ग यामुळे ही शाखा लवकरच नावरूपास येणार असल्याच्या भावना देखील यावेळी अनेकांनी व्यक्त केल्या.
याप्रसंगी शिक्षण प्रसारक मंडळाचे अध्यक्ष अँड.सुजित कदम, दामाजी कारखान्याचे अध्यक्ष शिवानंद पाटील, उपाध्यक्ष तानाजी खरात, राष्ट्रवादीचे नेते तानाजी काकडे, संचालक बसवराज पाटील, औदुंबर वाडदेकर, निलाबाई आटकळे, महादेव बिराजदार गुरुजी, आकाश पुजारी, माजी नगराध्यक्ष भारत नागणे, अजित जगताप, प्रदीप खांडेकर, संजय चेलेकर, सचिन नागणे, प्रा.विनायक कलुबर्मे आदीजन उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
