टीम मंगळवेढा टाईम्स ।
जिल्हा परिषद व पंचायत समितीचे आरक्षण जाहीर झाले असून यामध्ये भोसे जिल्हा परिषद गट हा सर्वसाधारण प्रवर्गासाठी खुला झाला असल्याने या गटातून दक्षिण भागाचे नेते तानाजी काकडे यांनी कोणत्याही परिस्थितीत ही निवडणूक लढवावी अशी मागणी या भागातील असंख्य कार्यकर्त्यांमधून केली जात आहे.
तर दुसरीकडे खरेदी – विक्री संघाचे चेअरमन सिद्धेश्वर आवताडे यांनी भोसे जिल्हा परिषद गटामधून निवडणूक लढवावी अशी आग्रही मागणी शिरनांदगी विकास सेवा सोसायटीचे चेअरमन मनोज खांडेकर यांनी केली आहे.
भोसे या गटात पूर्वी सोळा गावांचा समावेश होता.पण आता नंदेश्वर व निंबोणी ही दोन गावे दुसऱ्या गटात समाविष्ट करण्यात आली आहेत.
गतवेळेस आरक्षण सर्वसाधारण झाल्याने बरेचजण निवडणूक लढविण्याच्या तयारीत असणार आहेत.
यामध्ये तालुक्याच्या दक्षिण भागातील तानाजी काकडे हे एक धाडसी राजकारणी नेतृत्व म्हणून ओळखले जातात.
कोणत्याही निवडणुकीत ते हिरीरीने सहभाग घेतात. त्यांच्याकडे असणारा राजकारणाचा दीर्घ अनुभव, दक्षिण भागामध्ये असणारा दांडगा जनसंपर्क, त्यांच्याकडे असणारे विविध गावच्या युवक वर्गाचे जाळे, गोरगरीब लोकांना आर्थिक मदत करणारा हक्काचा माणूस अशी त्यांची ओळख आहे.
त्यांनी त्यांच्या पत्नी निर्मलाताई काकडे या पंचायत समितीच्या सभापती असताना शासनाच्या माध्यमातून राबविण्यात येणाऱ्या विविध योजनांचा लाभ मिळवून देण्याचे काम केले आहे.
त्यांचा या भागांमध्ये मोठ्या प्रमाणात जनसंपर्क असून त्यांनी आपल्या पत्नीच्या सभापती पदाच्या कारकिर्दीत केलेली कामे, नुकत्याच झालेल्या संत दामाजी साखर कारखान्याच्या निवडणुकीत समविचारी आघाडी करण्यामध्ये निभावलेली महत्त्वाची भूमिकाही त्यांना फायद्याची ठरणार आहे.
त्यामुळे त्यांनी आतापर्यंत केलेल्या कामाच्या जोरावर ही निवडणूक कोणत्याही परिस्थितीत लढवावी अशी मागणी भोसे गटातील कार्यकर्त्यांमधून केली जात आहे.
सिद्धेश्वर आवताडे यांनी भोसे जिल्हा परिषद गटामधून निवडणूक लढवावी – मनोज खांडेकर
सिद्धेश्वर आवताडे हे मंगळवेढा तालुक्यातील युवकांचे, उपेक्षितांचे, शोषितांचे शेतकऱ्यांचे आधारवड म्हणून ओळखले जातात.
मंगळवेढा तालुक्यात ज्या ज्या ठिकाणी आधार देण्याची गरज आहे त्या ठिकाणी सिद्धेश्वर आवताडे हे प्राधान्याने पोहोचले आहेत आणि त्यांनी गरजवंतांना मोठी मदत केली आहे.
सिद्धेश्वर आवताडे यांच्यासारख्या खमक्या नेतृत्वाची सध्या भोसे जिल्हा परिषद गटाला म्हणजेच मंगळवेढा तालुक्याच्या दुष्काळी भागाला गरज आहे.
भोसे जिल्हा परिषद गटाचे आजपर्यंत अनेक रथी – महारथींनी नेतृत्व केले आहे . पण गेल्या सुमारे ३० ते ४० वर्षांपासून असलेल्या समस्या आजपर्यंत सुरूच आहेत.
सिद्धेश्वर आवताडे यांनी दुष्काळी भागाच्या पाणी प्रश्नासाठी याआधी आवाज उठविलेला आहे आणि यापुढेही ते आवाज उठवून न्याय देण्यासाठी कसोशीने प्रयत्न करणार असल्याचे त्यांनी वेळोवेळी सांगितले आहे.
तसेच युवकांच्या प्रश्नावर आवाज उठविणारे व युवकांना सहज उपलब्ध होणारे मंगळवेढा तालुक्यातील ते एकमेव नेते आहेत.
यामुळेच भोसे जिल्हा परिषद गटांमध्ये अनेक गावातील युवक तसेच जेष्ठ नागरिकही सिद्धेश्वर आवताडे यांनी भोसे जिल्हा परिषद गटामधून निवडणूक लढवावी अशी आग्रही मागणी करीत आहे.
त्यामुळे या आग्रही मागणीचा विचार करून सिद्धेश्वर अवताडे यांनी भोसे गटामधून निवडणूक लढवावी असेही ते बोलताना यावेळी म्हणाले .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
