टीम मंगळवेढा टाईम्स।
मंगळवेढा शहरात वाढदिवसानिमित्त विना परवाना डॉल्बी साऊंड मोठया आवाजात लावून गर्दी करत इतरांच्या जीवीतास धोका उत्पन्न होईल असे घातकी कृत्य करून शासनाच्या आदेशाचा भंग केल्याप्रकरणी
मैनुद्दीन गौस मुजावर, आरबाज आयुब काझी व डॉल्बी मालक मनोज सुरेश कर्णेकर व अन्य १० ते १५ अज्ञात यांच्याविरूध्द आपत्ती व्यवस्थापन व साथ रोग प्रतिबंध कायदयानुसार गुन्हा दाखल करण्यात आला आहे.
पोलिस सुत्रांनी दिलेली माहिती अशी , मंगळवेढा शहरात दि.२ मार्च रोजी रात्री ९ .०० वा.वाढदिवस साजरा करण्यासाठी कोणताही परवाना नसताना चार मोठे मोठे डॉल्बी साऊंड मोठया आवाजात लावून मोठी गर्दी करून
तेथे जमलेल्या लोकांनी तोंडास मास्क न लावता जमावबंदीचा आदेश असतानाही साथीच्या रोगाचा प्रसार होईल याची जाणीव असतानाही तसेच मानवी जीवीत व व्यक्तिगत सुरक्षा धोक्यात येईल
स्वतःचे व इतरांचे जीवीतास धोका उत्पन्न होईल असे घातकी कृत्य करून शासनाच्या आदेशाचा भंग केला असल्याचे पोलिस शिपाई सोमनाथ माने यांनी दिलेल्या फिर्यादीत म्हटले आहे.याचा तपास पोलिस हवालदार कोळी हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
