टीम मंगळवेढा टाईम्स।
खोटे कोरोना तपासणी अहवाल तयार करणाऱ्या वात्सल्य पॅथॉलॉजीवर कारवाई करत गुरुवारी सील करण्यात आली आहे. या प्रकाराने खळबळ उडाली आहे.
कोविड तालुका कृति समिती मार्फत पंढरपूर शहरातील अनधिकृत कोविड टेस्टिंग करुन खोटे रिपोर्ट वात्सल्य पॅथॉलॉजी लॅब देत होती.
याची माहिती मिळताच उपजिल्हा रुग्णालय पंढरपूरचे वैद्यकिय अधीक्षक डॉ. गिराम, तालुका आरोग्य अधिकारी डॉ. बोधले, नायब तहसीलदार कोळी, पोलिस उपनिरीक्षक शमगदूम यांच्या पथकाने अचानक धाड टाकली.
यावेळी वात्सल्य लॅब चालवनारा आदमिले यास अवैध रिपोर्ट तयार करताना आणि रॅपिड अँटिजेंन टेस्ट किटसहीत रंगेहात पकडण्यात आले.त्याला किट पूरवणारा तसेच बोगस रिपोर्ट तयार करुन देणारा उमेश शिंगटे यालाही पकडण्यात आले आहे.
आदमिले व उमेश शिंगटे या दोघांनी हे काम गेल्या २-३ महिन्यांपासुन करत असल्याची कबुली दिली. यावरून आपत्ती व्यवस्थापन अधिनियम अंतर्गत पंढरपूर शहर पोलिस ठाण्यात गुन्हा दाखल करण्यात आला आहे.
सदर गुह्यात आणखी काहीजण आहेत का याची चौकशी सुरू आहे. अशा प्रकारची कोणतीही अनधिकृत कोविड टेस्टिंग आपल्या रुग्णालय अथवा लॅब मध्ये केली जात नाही.
याची पंढरपूर शहर व तालुक्यातील सर्व डॉक्टर्स आणि पॅथॉथोलॉजी लॅब चालकांनी दक्षता घ्यावी. असे आवाहन वैद्यकिय अधीक्षक डॉ. गिराम यानी केले. जर असे काही आढळून आल्यास आपत्ती व्यवस्थापन कायद्याच्या अंतर्गत कारवाई करण्यात येईल. असा इशाराही दिला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
