टीम मंगळवेढा टाईम्स ।
मंगळवेढा तालुक्यातून बेपत्ता होण्याच्या दोन वेगवेगळ्या घटना घडल्या आहेत पहिल्या घटनेत तालुक्यातील उचेठाण येथील २० वर्षीय तरूणी बेपत्ता झाल्याची तक्रार तीच्या आईने मंगळवेढा पोलिसात नोंदविली आहे.
याबाबत अधिक माहिती अशी की सदर तरूणी २२ नोव्हेंबर रोजी रात्रौ ९ .०० ते २३ नोव्हेंबर रोजी पहाटे ४.०० च्या दरम्यान लवंगी ता. मंगळवेढा येथील राहते घरातून कोणास काही एक न सांगता निघून गेल्याची तक्रार तीच्या आईने नोंदविली आहे.
सदर तरूणी अंगाने सडपातळ , रंग सावळा , चेहरा उभा , नाक सरळ , डोळे काळे , उंची ५ फुट , अंगात भगव्या रंगाचा पंजाबी ड्रेस व तीला मराठी भाषा बोलता येत असून सदर प्रकरणाचा तपास सहाय्यक फौजदार निंबाळे हे करीत आहेत.
सात वर्षापासून वेडसर युवक बेपत्ता
तर दुसऱ्या घटनेत मंगळवेढा तालुक्यातील बालाजी नगर फाटा येथून गणपती मलगोंडे हा युवक बेपत्ता झाल्याची तक्रार त्याच्या भावाने मंगळवेढा पोलिसात दिली आहे.
याबाबत अधिक माहिती अशी की , गणपती सायबण्णा मलगोंडे (वय ३९ रा.डोणज) हा २० जाने २०१४ रोजी दुपारी ३.३० वाजण्याच्या सुमारास म्हणजेच गेल्या सात वर्षापासून कोणास काही एक न सांगता वेडाच्या भरात निघून गेला.
तो आजपर्यत मिळून आला नाही म्हणून त्याचा भाऊ महेश मलगोंडे यांनी मंगळवेढा पोलिसात तक्रार दिली असून अधिक तपास पो.ना.पवार हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
