पोलीस ठाण्यात दाखल केलेली केस मिटवून घेण्यासाठी १० लाख रुपये देण्याचा तगादा लावत पत्नीसह सासरच्या मंडळींनी पतीला व मुलीला जीवे मारण्याची धमकी दिली.तसेच पत्नी , सासू , सासरा , मेव्हणा व पत्नीचा मामा यांच्या या त्रासामुळे व सततच्या पैशाच्या मागणीच्या त्रासाला कंटाळून स्वप्नील उत्तम शिरदाळे वय ३६ रा . सरगरवाडी नाझरा ता . सांगोला याने लिंबाच्या झाडाला गळफास घेऊन आत्महत्या केली.
याप्रकरणी मयताच्या भावाने दिलेल्या तक्रारीवरून स्वप्निल यास आत्महत्येस प्रवृत्त केल्याप्रकरणी मयताची पत्नी पूजा स्वप्निल शिरदाळे,सासू कस्तुराबाई मल्लिकार्जुन बुरकुल, सासरा मल्लिकार्जुन तुकाराम बुरकुल, मेव्हणा तुकाराम मल्लिकार्जून बुरकुल सर्व रा.आंधळगाव ता. मंगळवेढा तसेच पत्नीचा मामा चंदू पाटील रा.धर्मगाव ता . मंगळवेढा यांच्याविरुद्ध सांगोला पोलीस ठाण्यात गुन्हा दाखल केला आहे.
याबाबत अधिक माहिती अशी , सप्टेंबर २०१८ ते २ नोव्हेंबर २०२० पर्यंत सरगरवाडी , नाझरा ता.सांगोला येथील स्वप्निल उत्तम शिरदाळे यास पत्नी पूजा शिरदाळे , सासू कस्तुराबाई बुरकुल , सासरा मल्लिकार्जुन बुरकुल , मेव्हणा तुकाराम बुरकुल सर्वजण रा . आंधळगाव ता.मंगळवेढा पत्नीचा मामा चंदू पाटील रा.धर्मगाव ता . मंगळवेढा हे वारंवार संगनमत करून स्वप्निल यास धमकी देत होते.
तसेच त्यांनी यापूर्वी दाखल केलेल्या केसेस मिटवून घेण्यासाठी स्वप्नील शिरदाळे याच्याकडे वरील सर्वांनी १० लाख रुपये देण्याचा तगादा लावला होता. तसेच त्यांनी पैसे आण नाहीतर तुला व तुझ्या मुलीला मारून टाकतो असे धमकी दिली होती.
पत्नी , सासू , सासरा , मेव्हणा व पत्नीचा मामा यांच्या शारीरिक , मानसिक व आर्थिक त्रासाला कंटाळून स्वप्नील उत्तम शिरदाळे याने २ नोव्हेंबर रोजी सकाळी ८:३० च्या सुमारास शेतातील लिंबाच्या झाडाला गळफास घेऊन आत्महत्या केली.
आत्महत्या करण्यापूर्वी स्वप्निल याने आईच्या मोबाईलवर माझी बायको पूजा , सासू , सासरा , मेहुणा व बायकोचा मामा चंदू पाटील यांच्या त्रासाला व सततच्या पैशाच्या मागणीमुळे मी आत्महत्या करीत आहे तसेच माझ्या मृत्यूस जबाबदार आहेत असा मेसेज पाठवला. तसेच सदरचा मेसेज त्याने मित्रांच्या मोबाईलवर देखील पाठवला.
याप्रकरणी मयताचा भाऊ प्रकाश शिरदाळे राहणार सरगरवाडी नाझरा यांनी सांगोला पोलीस ठाण्यात फिर्याद दिली आहे. दिलेल्या फिर्यादीवरून पोलिसांनी स्वप्निल यास आत्महत्येस प्रवृत्त केल्याप्रकरणी पत्नी , सासू , सासरा , मेहुणा व पत्नीचा मामा यांच्याविरुद्ध गुन्हा दाखल केला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
