टीम मंगळवेढा टाईम्स।
मंगळवेढा तालुक्यातील खुपसंगी, पटेल वस्ती येथील जिल्हा परिषद शाळेतील 20 विद्यार्थ्यांनी एरंडाच्या बिया खाल्ल्याने विद्यार्थ्यांना उलटीचा त्रास सुरू झाल्याने शिक्षकासह पालक वर्गात खळबळ उडाली. त्यांना तात्काळ उपचारासाठी दाखल करण्यात आले.
याबाबत सविस्तर माहिती असे की, मंगळवेढा तालुक्यातील खुपसंगी, पटेल वस्ती येथे जिल्हा परिषद प्राथमिक शाळेतील विद्यार्थी सकाळी लवकर शाळेसाठी येत असतात. साधारणतः सकाळी नऊच्या दरम्यान हे विद्यार्थी शाळेत आले होते.
त्यांनी शाळेलगत असलेल्या जंगली एरंडीच्या बिया खालल्या आणि लगेच त्यांना उलटीचा त्रास सुरू झाला. त्यानंतर शाळेत आलेल्या शिक्षकांनी याबाबत विद्यार्थ्याकडे चौकशी केली असता, त्या विद्यार्थ्यांनी एरंडाच्या बिया खाल्ल्याचे माहिती सांगितली.
शिक्षकाने तात्काळ पालकांना बोलावून घेतले व खाजगी वाहनाच्या साह्याने आंधळगाव येथील प्राथमिक रुग्णालयात उपचारासाठी दाखल करण्यात आले होते. प्राथमिक उपचार करून पुढील उपचारासाठी मंगळवेढा येथील ग्रामीण रुग्णालयात दाखल करण्यात आले.
त्यावेळी त्यातील 14 विद्यार्थ्यांना अधिक त्रास असल्यामुळे पुढील उपचारासाठी सोलापूरच्या शासकीय रुग्णालयाकडे पाठवण्यात आले व सहा विद्यार्थ्यांवर मंगळवेढ्यातील ग्रामीण रुग्णालयात उपचार सुरू असल्याची माहिती वैद्यकीय अधिकारी डॉ.सुलोचना जानकर यांनी दिली.
घटनेची वार्ता तालुक्यात पसरल्यानंतर खळबळ उडाली. शाळेच्या परिसरात पालक व नागरिकांनी मोठी गर्दी केली होती.
विद्यार्थ्यांना वेळेत उपचार करण्यासाठी ग्रामीण रुग्णालयातील डॉ. प्रवीण माने, डॉ. निखिल जोशी, डॉ. अनिल चौगुले, डॉ. स्नेहा घाडगे, डॉ. ऋतुजा गायकवाड, डॉ. अंकिता पवार, डॉ. पूजा बनसोडे, सुवर्णा सगरे, स्वरा काशीद,
सिस्टर तेजश्री मेटकरी, सारिका कोळेकर, काजल धायगुडे, शिल्पा भोसले, बाबासाहेब शिवशरण सतीश व्हनाटे यांनी उपचारासाठी प्रयत्न केले. या घटनेचे वार्ता समजतात आमदार समाधान आवताडे यांनी याप्रकरणी पालक व शैक्षणिक क्षेत्रातील अधिकाऱ्यांशी विचारपूस करून वैद्यकीय अधिकाऱ्यांना उपचार करण्याच्या सूचना दिल्या.(स्रोत:सकाळ)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
