टीम मंगळवेढा टाईम्स ।
सोलापूर जिल्ह्यातील ग्रामीण भागात कोरोना पुन्हा डोके वर काढत असून जिल्ह्यातील पंढरपूर,बार्शी, करमाळा, माढा, माळशिरस तालुक्यात पुन्हा कोरोना वाढू लागला आहे. तर आज दोन पुरुषांचा मृत्यू झाला आहे.
मंगळवेढा शहरातील होनमाने गल्ली व मोटेवाडी (ता. माळशिरस) येथील दोन को-मॉर्बिड रुग्णांचा कोरोनामुळे मृत्यू झाला आहे.
आज 3 हजार 34 संशयितांमध्ये 118 कोरोनाचे पॉझिटिव्ह रुग्ण आढळले आहेत. मृतांची संख्या आता दोन हजारांच्या उंबरठ्यावर असून वाढती रूग्णसंख्या चिंतेत भर टाकणारी आहे.
1 ते 14 मार्च या काळात अक्कलकोट तालुक्यात 26, बार्शीत 176, करमाळ्यात 157, माढ्यात 161, माळशिरसमध्ये 188, पंढरपुरात 143, मंगळवेढ्यात 36, मोहोळमध्ये 52, उत्तर सोलापूर तालुक्यात 12, सांगोल्यात 53 आणि दक्षिण सोलापूरात 29 रुग्ण वाढले आहेत.
संशयित रुग्णांनी वेळेत उपचार घ्यावेत, मास्क, सोशल डिस्टन्सिंग, स्वच्छता असे नियम पाळावेत, असे आवाहन करूनही नियमांचे उल्लंघन करणाऱ्यांची संख्या ग्रामीण भागात लक्षणीय आहे.
दंड करूनही त्यांच्याकडे तेवढे पैसे नसल्याने पोलिसांना कारवाई करतानाही मर्यादा येऊ लागल्या आहेत. तर काही ठिकाणी नियमांचे उल्लंघन करतानाही प्रशासनाचे दुर्लक्ष असल्याचे चित्र पहायला मिळत आहे.
परंतु, नागरिकांनी कोरोनाविरुध्दची लढाई जिंकण्यासाठी स्वत:बरोबरच स्वत:चे कुटुंबही सुरक्षित ठेवण्याच्या हेतूने नियमांचे काटेकोर पालन करायला हवे.(सकाळ)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज