टीम मंगळवेढा टाईम्स ।
मंगळवेढा तालुक्यातील निंबोणी येथे एका ३० वर्षीय तरुण शेतकऱ्याने अज्ञात कारणावरून घरातील पत्र्याच्या लोखंडी अँगलला दोरीच्या साहाय्याने गळफास घेवून आत्महत्या केली.
ही घटना दि.६ मार्च रोजी सकाळी ९ वाजता घडली असून संतोष विठ्ठल खांडेकर असे आत्महत्या करणाऱ्या युवकाचे नाव आहे.दरम्यान या घटनेची आकस्मात मयत अशी नोंद पालिसांनी केली आहे.
या घटनेची हकीकत अशी की, यातील खबर देणारे मयताचे वडील विठ्ठल लक्ष्मण खांडेकर हे निंबोणी येथे सालगडी म्हणून कामावरती आहेत.
दि.६ मार्च रोजी सकाळी ९ वाजता निंबोणी येथील राहते घरातील पत्र्याचे लोखंडी अँगलला खबर देणाराचा मुलगा तथा मयत संतोष याने अज्ञात कारणावरून गळफास घेवून आत्महत्या केली.
आत्महत्येचे कारण असष्ट असल्यामुळे पोलीसांनी व्हिसेरा राखून ठेवला आहे.अधिक तपास पो.ना.हरीदास सलगर हे करीत आहे.
गणेशवाडी येथील दारू अड्डयावर पोलीसांचा छापा
मंगळवेढा तालुक्यातील गणेशवाडी येथील ग्रामपंचायत कार्यालयाजवळ बेकायदा दारूविक्री केल्याप्रकरणी शौकत शेख याला पोलीसांनी ताब्यात घेवून त्याच्याजवळील ६८६ रूपये किमतीच्या देशी दारूच्या बाटल्या जप्प केल्या आहेत.
पोलीस सुत्रांनी दिलेली माहिती अशी की, यातील आरोपी शौकत शेख हा ग्रामपंचायत ऑफिसजवळ विनापरवाना दारू विक्री करीत असल्याखी माहिती पोलीसांना मिळताच पोलीसांनी दि .६ रोजी सायंकाळी ७.३० वाजता छापा टाकला.
यावेळी आरोपी बेकायदेशीररित्या ६८६ रूपये किमतीच्या देशी संत्रा बाटल्या कब्जात बाळगून असलेल्या स्थितीत मिळून आला.
याची फिर्याद पोलीस शिपाई सत्यावान शिंदे यांनी दिली आहे.अधिक तपास पोलीस हवालदार सुनिल गायकवाड ही करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
