बापरे..! फेसबुकवर जवळीक साधून तरुणीने शिक्षकाला चार लाखांना लुटले; मारहाण करून सर्व माल जबरदस्तीने घेतला काढून

टीम मंगळवेढा टाईम्स। 

फेसबुक, व्हॉट्सअॅपच्या माध्यमातून ओळख करून प्रेमाचा बहाणा करून एका तरुणीने इतर तिघांच्या सहकार्याने एका शिक्षकाला मारहाण केली. तसेच, त्या तरुणाकडील सोने, मोबाइल, रोख रक्कम असे ३ लाख ९२ हजारांचा

माल जबरदस्तीने काढून घेतल्याप्रकरणी चौघांविरुद्ध बार्शी तालुका पोलिस ठाण्यात गुन्हा दाखल झाला आहे. ही घटना दि.१६ सप्टेंबर रोजी दुपारी १ वाजेच्या सुमारास कोरफळे (ता. बार्शी) येथील घडली.

याप्रकरणी स्वाती भोसले व इतर चौघांविरुद्ध गुन्हा दाखल झाला आहे. प्राथमिक शिक्षक अण्णा मारुती वाघमारे यांनी दिलेल्या फिर्यादीत म्हटले आहे की, दिनांक १४ सप्टेंबर रोजी फेसबुकवर स्वाती भोसले या नावाने फ्रेंड रिक्वेस्ट आल्याने मी ती स्वीकारली.

फेसबुक मेसेजवर चॅटिंग सुरू झाली. तिने माझा मोबाइल नंबर मागितला म्हणून मी माझा व्हॉट्सअॅप नंबर दिला. त्यानंतर तिने मिस कॉल दिला. त्यानंतर माझे व तिचे व्हाट्सअॅपवरून बोलणे सुरू झाले.

त्यामुळे आमची जवळीक वाढली. त्यानंतर कोरफळे येथे भेटण्यासाठी बोलाविले. त्यानुसार पानगाव रस्त्यावरील स्नेहग्राम शाळेजवळ गेल्यानंतर आरोपींनी मारहाण करण्यास सुरुवात केली. त्यानंतर आरोपींनी हातातील मोबाइल जबरदस्तीने हिसकावून घेतला.

दोन तोळे वजनाच्या दोन सोन्याच्या अंगठ्या, चार तोळे वजनाची सोन्याची चेन, चार तोळे वजनाचे सोन्याचे ब्रेसलेट व रोख रक्कम असा सुमारे ३ लाख ९२ हजारांचा मुद्देमाल घेऊन आरोपी पळून गेल्याचे फिर्यादीत म्हटले आहे. पुढील तपास पोलिस उपनिरीक्षक बालाजी वळसणे हे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज