धक्कादायक! मित्रांसमवेत खेळताना विहीरीत पडून ९ वर्षाच्या मुलाचा मृत्यू; २४ तास पाणी उपसा केल्यानंतर मृतदेह सापडला

टीम मंगळवेढा टाईम्स ।

मित्रांसमवेत खेळायला गेल्यावर खेळता खेळता ८० फुट खोल विहीत पडून नऊ वर्षाच्या मुलाचा मृत्यू झाला. विहीरीत पाणी जास्त असल्याने मुलाला शोधण्यात जास्त वेळ गेला.

२४ तास ५ मोटारीच्या सहाय्याने विहीरीतील पाणी काढल्यानंतर रविवारी सायंकाळी मृतदेह बाहेर काढण्यास यश आले. मोहोळ तालुक्यातील पाटकुल येथे ही घटना घडली.

यशराज दत्तात्रय कसबे असे मृत मुलाचे नाव आहे. खरसोळी (ता.पंढरपूर) येथील दत्तात्रय कसबे हे पाटकुल येथे पत्नी, तीन मुली व मुलासह कुटुंबांसह मोलमजुरी करुन राहतात. दि. ३० डिसेंबर रोजी कसबे हे कामानिमित्त बाहेर गेले होते.

दरम्यान त्यांचा मुलगा यशराज हा दोन तिघा मित्रासमवेत खेळत त्यांच्या घराजवळील असलेल्या दिलीप भगवान काळे यांच्या विहिरीजवळ गेला होता. दरम्यान खेळता खेळता तो विहीरीत पडला. ही माहिती मिळाल्यानंतर दत्तात्रय कसबे घटनास्थळी आले.

विहीरीत ६० फुट पाणी असल्याने यशराजला शोधण्यात अडचणी येत होत्या. त्यानंतर पाच मोटारी लावून विहिरीतील पाणी काढायला सुरुवात केली.२४ तासानंतर पाणी कमी झाल्यानंतर दोन पोहणाऱ्या व्यक्तींना विहिरीत पाठवण्यात आले व रविवारी सायंकाळी साडेपाच वाजण्याच्या सुमारास यशराज चा मृतदेह हाती लागला

पाटकुल येथीलच जिल्हा परिषद शाळेत इयत्ता तिसरीच्या वर्गात यशराज शिक्षण घेत होता. याबाबत दत्तात्रय कसबे यांनी मोहोळ पोलीस ठाण्यात खबर दिली असून त्यानुसार पोलिसात आकस्मात मृत्यूची नोंद करण्यात आली आहे. अधिक तपास सहाय्यक पोलीस फौजदार लोबो चव्हाण करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज